ރާއްޖެ
ނުރައްކާތެރި އެކްސިޑެންޓެއް ހިނގުން
ޓްރަކެއް ފުރޮޅާލައި ނުރައްކާތެރި އެކްސިޑެންޓެއް ހިނގައިފި
ޑްރައިވަރާއި 13 އަހަރުގެ ދެ ފިރިހެން ކުދިންނަށް އަނިޔާވެފައިވޭ
އަމްނާ އިމާދު, ރާއްޖެ އެމްވީ | 12 މެއި 2023 | ހުކުރު 04:33
ޓްރަކު ފުރަޅާލާފައި
ހުޅުމާލެ-ފޭސް 2 ގައި ޓްރަކެއް ފުރޮޅާލައި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން ބުނީ ހުކުރު ދުވަހު ހުޅުމާލެ-ފޭސް 2 އިންޑަސްޓްރިއަލް ޒޯން ކައިރިން ދުއްވާފައި ދިޔަ ކޮންކްރީޓް މިކްސްޗަރ ޓްރަކެއް ފުރޮޅާލާފައިވާ ކަމަށް ހެނދުނު 7:35 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
އެ ވަގުތު އެސަރަހައްދުން ބައިސްކަލެއްގައި ދިޔަ 13 އަހަރުގެ ދެ ފިރިހެން ކުދިން އަދި ވެހިކަލް ޑްރައިވަރަށް އަނިޔާވެގެން ހުޅުމާލެ ހޮސްޕިޓަލުގައި ފަރުވާ ދެމުންދާ ކަމަށް ފުލުހުން ބުނެއެވެ.
މިހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.
