މިއަދުވެސް ބައެއް ސަރަހައްދުތަކުން ކަރަންޓު ކެނޑިދާނެ: ސްޓެލްކޯ
މިއަދު މެންދުރުފަހު 14:00 ން 16:00 ށް ކަރަންޓު ކެނޑުން އެކަށީގެންވޭ
ސްޓެލްކޯ
މިއަދުވެސް މާލޭގެ ބައެއް ސަރަހައްދުތަކުން ކަރަންޓު ކެނޑިދާނެ ކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފިއެވެ.
ސްޓެލްކޯއިން ބުނީ އެ ކުންފުނީގެ ކަރަންޓު ވިއުގަ އަޕްގްރޭޑްކުރުމުގެ މަސައްކަތް މައްޗަންގޮޅީގެ ގުލްހަޒާރު ގޯޅި، ނަސީމީ ހިނގުން، އުނިގަސްމަގުގެ އިތުރުން، ދަކަނދާ މަގުގައި މިއަދު ކުރިއަށްދާ ކަމަށެވެ.
މި މަސައްކަތް ކުރިއަށްދާތީ މި ސަރަހައްދުތަކުން މިއަދު މެންދުރުފަހު 14:00 ން 16:00 ށް ކަރަންޓުގެ ހިދުމަތް މެދުކެނޑުން އެކަށީގެންވާކަމަށް ސްޓެލްކޯއިން ބުނެފައިވެއެވެ.
އެކުންފުނީގެ ކަރަންޓު ވިއުގަ އަޕްގްރޭޑްކުރުމުގެ މަސައްކަތް ކުރިއަށްދާތީ ސްޓެލްކޯއިން ވަނީ އިއްޔެވެސް ބައެއް ސަރަހައްދުތަކުން ކަރަންޓު ކެނޑިދާނެ ކަމަށް ބުނެފައެވެ. އަދި ދިމާވެދާނެ ދަތިތަކަށް ވަނީ މައާފަށް އެދިފައެވެ.
