މޯލްޑިވިއަނުން ދަރަވަންދޫއަށް އަލުން ދަތުރުތައް ފަށަނީ
ދަތުރުތައް ފަށާނީ 15 ޖޫންއިން ފެށިގެން
މޯލްޑިވިއަންގެ ބޯޓެއް
އައިލެންޑް އޭވިއޭޝަންގެ ދަށުން ހިންގާ މޯލްޑިވިއަން އެއަރލައިނުން ބ. ދަރަވަންދޫއަށް އަލުން ދަތުރުތައް ފަށަން ނިންމައިފިއެވެ.
އައިލެންޑް އޭވިއޭޝަނުން ބުނީ 15 ޖޫންއިން ފެށިގެން ދަރަވަންދޫ ޑޮމެސްޓިކް އެއަރޕޯޓަށް އެތެރޭގެ އުދުހުންތައް އަލުން ފެށުމަށް ހަމަޖެހިފައިވާކަމަށެވެ.
މޯލްޑިވިއަނުން ދަރަވަންދޫއަށް އަލުން ދަތުރުކުރުމަށް ނިންމާފައިވަނީ ދިގު މުއްދަތަކަށް މެދުކަނޑާލުމަށް ފަހުގައެވެ. ދަތުރުތައް އަލުން ފަށާއިރު، ޖެއްސުމަށް ހަމަޖެހިފައިވަނީ ދުވާލަކު ފްލައިޓެއް މޯލްޑިވިއަނުން ބުނެއެވެ.
7 މެއިން ފެށިގެން މި ފްލައިޓުތަކަށް ޓިކެޓު ވިއްކަން ފަށާނެއެވެ. މިގޮތުން މޯލްޑިވިއަންގެ ވެބްސައިޓް، މޯބައިލް އެޕް، ކޯލް ސެންޓަރ އަދި ޓިކެޓް ވިއްކަން ހުއްދަ ދީފައިވާ ފަރާތްތަކަށް މެދުވެރިކޮށް ޓިކެޓް ގަނެވޭނެ ކަމަށް މޯލްޑިވިއަނުން ބުނެއެވެ.
މޯލްޑިވިއަނުން ދަނީ ރާއްޖޭގެ 16 މަންޒިލަކަށް އެ އެއަރލައިންގެ ދަތުރުތައް ކުރަމުންނެވެ.
