ހުޅުމާލޭ ދެވަނަ ފިޔަވަހީގައި ޕިކަޕަކާއި ސައިކަލެއް ޖެހި ނުރައްކާތެރި އެކްސިޑެންޓެއް ހިނގައި އެކަކަށް ސީރިއަސް އަނިޔާތަކެއް ލިބިއްޖެއެވެ.
"ރާއްޖެ އެމްވީ"އަށް މައުލޫމާތު ދެމުން ފުލުހުން ބުނީ، މި އެކްސިޑެންޓް ހިނގީ ދެވަނަ ފިޔަވަހީގެ ނިރޮޅުމަގުގައި ކަމަށެވެ. އެކްސިޑެންޓުގެ މައުލޫމާތު އެ އިދާރާއަށް ލިބިފައިވަނީ އަންގާރަ ދުވަހުގެ މެންދުރު 3:17ހާއިރު ކަމަށްވެސް ބުންޏެވެ.
ފުލުހުން މައުލޫމާތު ދޭގޮތުގައި މި އެކްސިޑެންޓްގައި އަނިޔާވީ 20 އަހަރުގެ ޒުވާނަކަށެވެ. އޭނާއަށް ހުޅުމާލޭ ހޮސްޕިޓަލުގައި ފަރުވާދެމުންދާކަމަށާއި ހާލު ސީރިއަސް ކަމަށްވެސް ފުލުހުން ބުންޏެވެ.
ފުލުހުން އަންނަނީ މި އެކްސިޑެންޓާ ގުޅިގެން ބަލަންޖެހޭ ކަންކަން ބަލަމުންނެވެ.
ސޯޝަލް މީޑިއާގައި ދައުރުވާ ވީޑިއޯތަކުން ފެންނަގޮތުގައި އެކްސިޑެންޓުގައި އަނިޔާވި މީހާގެ ބޯ ވަނީ ފަޅައިގެންގޮސްފައެވެ. އަނިޔާ ލިބުނީ ސައިކަލު ދުއްވަން އިން ޒުވާނާއަށެވެ.
