ރައީސުލްޖުމްހޫރިއްޔާ މާދަމާ ހެނދުނު ގައުމާ މުޚާތަބުކުރައްވަނީ

އާދިއްތަ ދުވަހުގެ ހެނދުނު ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ގައުމާ މުޚާތަބުކުރައްވާނެ ކަމަށް ރައީސް އޮފީހުން ބުނެފިއެވެ.

ހޮނިހިރު ދުވަހުގެރޭ ރައީސް އޮފީހުގެ ތަރުޖަމާނު މިއުވާން މުހައްމަދު ކުރެއްވި ޓްވީޓެއްގައި ވިދާޅުވީ އާދިއްތަ ދުވަހުގެ ހެނދުނު ރައީސް ގައުމާ މުޚާތަބުކުރައްވާ ޚާއްސަ މެސެޖެއް ދެއްވާނެ ކަމަށެވެ. މި މެސެޖު މީޑިއާތަކުން ލައިވްކުރާނެއެވެ.

ރައީސް ގައުމާ މުޚާތަބުކުރައްވައި ޚާއްސަ މެސެޖެއް ދެއްވާނެކަން ރައީސް އޮފީހުން ބުނެފައިވާއިރު އަންނަ މެއި މަހުން ފެށިގެން ސިއްޙީ ދާއިރާގެ މުވައްޒަފުންގެ މުސާރައަށްވެސް ހެޔޮ ބަދަލުތަކެއް އަންނާނެކަމަށް ރައީސް ވަނީ ވިދާޅުވެފައެވެ. ފުލުހުންނާއި ސިފައިންގެ މުސާރައަށް ވެސް ކުރިއަށް އޮތްތަނުގައި ހެޔޮ ބަދަލުތަކެއް އަންނާނެ ކަމަށާއި، އަދި އެ ކަމާ ގުޅޭ ދިރާސާތައް މިހާރު ކުރަމުން އަންނަ ކަމަށް ވެސް އެމަނިކުފާނު ވިދާޅުވެފައިވެއެވެ.