ފެބްރުއަރީމަހުން ފެށިގެން މިހާތަނަށް ސިމްސްޕޯޓަލް މެދުވެރިކޮށް 25000 އެޕްލިކޭޝަން
26 އެޕްރީލު 2023 | ބުދަ 03:46"ސިމްސް" ޕޯޓަލް އަކީ ކޮންމެ މީހަކަށްވެސް އެ މީހެއްގެ އީ ފާސް އެކައުންޓް ބޭނުންކޮށްގެން ހޯދޭ ޚިދުމަތެއް
ޑިޖިޓަލް ލައިސެންސްގެ ޚިދުމަތް | ރާއްޖެއެމްވީ
ފެބްރުއަރީމަހުން ފެށިގެން މިހާތަނަށް ސިމްސްޕޯޓަލް މެދުވެރިކޮށް 25000 އެޕްލިކޭޝަން ހުށަހަޅާފައިވާ ކަމަށް ޓްރާންސްޕޯޓް މިނިސްޓްރީން ބުނެފިއެވެ.
އަންގާރަ ދުވަހު އެ މިނިސްޓްރީން ބުނެފައި ވަނީ މިހާރު ރާއްޖޭގެ ކޮންމެ ރަށެއްގައިވެސް ޑިޖިޓަލް ލައިސަންސްގެ ހިދުމަތް ހޯދޭނެކަމަށެވެ. މީގެ އިތުރުން އެ ޕޯޓަލް މެދުވެރިކޮށް އަތޮޅުތަކުގައި "އޭ" ޒޯން ލައިސަންސް ދިނުމަށް ކަނޑައަޅާފައިވާ ހުރިހާ ކައުންސިލްތަކުންވެސް ހިދުމަތް ލިބޭނެ ކަމަށް މިނިސްޓްރީން ބުނެއެވެ. މިނިސްޓްރީން ވަނީ އެ ޕޯޓަލް އަށް އެއްވެސް މައްސަލަ އެއް ދިމާވެއްޖެނަމަ އެކަން އެންގުމަށް އެދިފައެވެ. އަދި ޕޯޓަލް އަށް ދިމާވާ މައްސަލަތައް ހައްލުކުރަން އެ މިނިސްޓްރީން މަސައްކަތްކުރާ ކަަމަށް ވެސް ބުނެފައިވެއެވެ.
ޓްރާންސްޕޯޓް މިނިސްޓްރީން ބުނީ އެއްގަމުގައި ދުއްވާ އިންޖީނުލީ އުޅަނދުފަހަރު ދުއްވުމުގެ ލައިސަންސް ރައްކާތެރިކަމާއި ފަސޭހަކަމާއެކު ރައްޔިތުންނަށް ހޯދައި ދިނުމުގެ މަގުފަހިކުރުމަށްޓަކައި މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަންއިން އަލަށް ތައާރުފު ކުރި "ސިމްސް" ޕޯޓަލް އަކީ ކޮންމެ މީހަކަށްވެސް އެ މީހެއްގެ އީ ފާސް އެކައުންޓް ބޭނުންކޮށްގެން ފަސޭހަކަމާއެކު ޚިދުމަތް ހޯދޭގޮތަށް ފަރުމާކޮށްފައިވާ ޚިދުމަތެއް ކަމަށެވެ.
މިދިޔަ މަހުގެ ނިޔަލަށް ސިމްސް ޕޯޓަލް މެދުވެރިކޮށް ޚިދުމަތް ފޯރުކޮށްދޭން ފެށިތާ ދެ ހަފްތާއެއްހާ ދުވަހުގެ ތެރޭގައި 1374 ލައިސަންސް ދޫކޮށްފައިވެއެވެ.
