ޑްރަގް މައްސަލައެއްގައި ހައްޔަރުކުރުމަށްފަހު ބަންދުން ދޫކޮށްލިތާ 10 ދުވަސްނުވެ، އަނެއްކާ ހައްޔަރަށް
ކޯޓުން ވަނީ އޭނާ 15 ދުވަހަށް ބަންދު ކުރުމަށް އަމުރުކޮށްފައި
ކްރިމިނަލް ކޯޓް
ޑްރަގް މައްސަލައެއްގައި ހައްޔަރު ކުރި މީހަކު އޭނާ ބަންދުން ދޫކޮށްލިތާ 10 ދުވަސްނުވެ، އަނެއްކާވެސް ފުލުހުން ހައްޔަރުކޮށްފިއެވެ.
މި މައްސަލައިގައި ހައްޔަރު ކޮށްފައިވަނީ އުމުރުން 27 އަހަރުގެ ޒުވާނެކެވެ. އޭނާގެ މައްޗަށް ފުލުހުން ކުރަނީ މަސްތުވާތަކެތި ބޭނުންކޮށް، އެތަކެތި ގެންގުޅެ، އަދި އޭގެން ވިޔަފާރި ކުރުމުގެ ކުށުގެ ތުހުމަތެވެ.
އޭނާ ހައްޔަރު ކުރުމަށްފަހު އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން ކޯޓުން ވަނީ އޭނާ 15 ދުވަހަށް ބަންދު ކުރުމަށް އަމުރުކޮށްފައެވެ.
ކޯޓު އަމުރުގައި ބަޔާން ކޮށްފައިވާ ގޮތުގައި އޭނާ މި ބާވަތުގެ މައްސަލައެއްގައި ބަންދުކޮށް ބަންދުން ދޫކޮށްލިތާ 10 ދުވަސް ވަނީ ވެފައެވެ.
ގާޒީ އިބްރާހިމް އިޙްސާން ނެރުއްވި ކޯޓު އަމުރުގައި ބަޔާން ކުރައްވާފައިވާ ގޮތުގައި އޭނާއަކީ ހައްޔަރު ރެކޯޑު ގިނަ ފަރާތެކެވެ.
އޭނާ ވަނީ މަސްތުވާތަކެތި ބޭނުންކުރާކަަމަށް އިއުތިރާފުވެފައެވެ. އޭނާގެ ކުޑަކަމުދާ ތަކެތިވެސް ވަނީ މަސްތުވާތަކެއްޗަށް ޕޮޒިޓިވްވެފައެވެ.
އެހެންނަމަވެސް އޭނާ ވަނީ ސީނުން ފެނުނު ތަކެއްޗަށް އިންކާރުކޮށްފައެވެ.
