ކޮމަންވެލްތުގެ މޫސުމާއި ބެހޭ ފައިނޭންސްގެ އެޑްވައިޒަރެއް ރާއްޖެއަށް
މިކަމުގެ މަގުސަދަކީ ކޮމަންވެލްތުގެ ކުދި އަދި އެހެނިހެން ނާޒުކު ގައުމުތަކަށް އެހީތެރިވުން
ކޮމަންވެލްތުގައި ބޭއްވި ކްލައިމެޓް އެކްޝަން ސަމިޓްގެ ތެރެއިން
ކޮމަންވެލްތުގެ ނޭޝަނަލް ކްލައިމެޓް ފައިނޭންސް އެޑްވައިޒަރެއް ރާއްޖެއަށް ވަޑައިގަތުމަށް ހަމަޖައްސައިފިއެވެ.
ކޮމަންވެލްތުން ބުނެފައިވަނީ ތަރައްޤީވަމުން އަންނަ ޤައުމުތަކުން، އެޤައުމުތަކުގެ ނޭޝަނަލް ޑިޓަރމިނޭޑް ކޮންޓްރިބިއުޝަންސް (އެންޑީސީ) ގެ ތެރޭގައި ބޮޑު އަމާޒުތަކެއް ކަނޑައަޅާފައެވެ. އެންޑީސީއަކީ ވިހަގޭސް ބޭރުކުރުން މަދުކުރުމަށާއި މޫސުމަށް އަންނަ އަސަރުތަކަށް އެޑެޕްޓް ކުރުމަށް މޫސުމީ ފިޔަވަޅު އެޅުމުގެ ޕްލޭނެއް އެކުލަވާލުމުގެ މަސައްކަތެވެ.
ނަމަވެސް މި ޓާގެޓްތައް ހާސިލް ކުރެވޭނީ އެކަށީގެންވާ އަދި ފަސޭހައިން ކްލައިމެޓް ފައިނޭންސް ލިބި، ކޮމްޕްލެކްސް ކްލައިމެޓް ފައިނޭންސް ލޭންޑްސްކޭޕްގައި ދަތުރުކުރެވޭނެ ގޮތް ހެދިގެންނެވެ. މިކަން ކުރުމަށްޓަކައި އެމީހުންގެ ކިބައިގައި ފަންޑިންގ ޕްރޮޕޯސަލްތަކަށް ޑޯނަރުންގެ ޝަރުތުތައް ފުރިހަމަ ކުރުމަށް ބޭނުންވާ އިންސާނީ، އިދާރީ އަދި ފަންނީ ގާބިލްކަން ހުންނަން ޖެހެއެވެ. މިއީ ކޮމަންވެލްތު ކްލައިމެޓް ފައިނޭންސް އެކްސެސް ހަބް އަންނަ ހިސާބެވެ.
ކޮމަންވެލްތު ކްލައިމެޓް ފައިނޭންސް އެކްސެސް ހަބް (ސީސީއެފްއޭއެޗް) ގެ މަގުސަދަކީ ކޮމަންވެލްތުގެ ކުދި އަދި އެހެނިހެން ނާޒުކު ގައުމުތަކަށް އެހީތެރިވުމެވެ. މޫސުމަށް އަންނަ ބަދަލުތަކުގެ ބުރަ ގިނަ ފަހަރަށް އުފުލަނީ މޫސުމާ ބެހޭ ގޮތުން ފިޔަވަޅު އެޅުމަށް ކަނޑައެޅިފައިވާ އެތައް މިލިއަން ޑޮލަރެއްގެ ވަސީލަތްތައް އިތުރުކުރުމަށް މަގުފަހިކޮށްދީގެންނެވެ.
ސީސީއެފްއޭއެޗްގައި ބޭނުންކުރަނީ ކޮމަންވެލްތުގެ ފައިދާ ލިބޭ ގައުމުތަކުގެ ސަރަހައްދީ މުއައްސަސާތަކާއި ސަރުކާރުގެ އިދާރަތަކާއި މިނިސްޓްރީތަކުގައި ސަރަހައްދީ އަދި ގައުމީ މޫސުމީ ފައިނޭންސް އެޑްވައިޒަރުން ފުރިހަމަކޮށްފައިވާ މޮރިޝަސްގެ މަރުކަޒީ ހަބަކާއެކު ހަބް އެންޑް ސްޕޯކްސް މެދުވެރިކޮށެވެ. މި އެޑްވައިޒަރުން އެހީތެރިވެދެވޭނީ ކްލައިމެޓް ފައިނޭންސް ހޯދުމާއި، ކެޕޭސިޓީ ބިނާކުރުމަށެވެ.
އޭޕްރީލް 2023 ގެ ނިޔަލަށް ހަބުން ވަނީ އެފްރިކާ، ޕެސިފިކް އަދި ކެރިބިއަން ސަރަހައްދުތަކުގައި ކޮމަންވެލްތުގެ ނޭޝަނަލް ކްލައިމެޓް ފައިނޭންސްގެ 18 އެޑްވައިޒަރުން ހަރަކާތްތެރިވެފައެވެ. ކްލައިމެޓް ފައިނޭންސް މޮބިލައިޒް ކުރުމަށް އެހީތެރިވުމަށް މެމްބަރު ގައުމުތަކުގައި މިހާރު 14 އެޑްވައިޒަރުން އެބަތިއްބެވެ. މިއަދާ ހަމައަށް ސީސީއެފްއޭއެޗްގެ އެހީތެރިކަމާއެކު ގްރާންޓްތަކާއި ލުއި ލޯނުތައް ހިމެނޭ ގޮތަށް 67 މަޝްރޫއަކަށް ކްލައިމެޓް ފައިނޭންސްގެ ގޮތުގައި 250 މިލިއަން އެމެރިކާ ޑޮލަރު ލިބިފައިވެއެވެ.
ދިވެހިރާއްޖެ، ނައުރޫ އަދި ސީޝެލްސްގައި އަލަށް ކޮމަންވެލްތު ނޭޝަނަލް ކްލައިމެޓް ފައިނޭންސް އެޑްވައިޒަރުން، ސަރުކާރުގެ ޑިޕާޓްމަންޓްތަކާ ގުޅިގެން ކްލައިމެޓް ފައިނޭންސް ހޯދުމަށް ޕްރޮޖެކްޓް ޕްރޮޕޯސަލްތައް ތައްޔާރުކުރުމުގައި އެހީތެރިވެދޭނެއެވެ.
މަޝްރޫއުތަކަށް ކްލައިމެޓް ފައިނޭންސް ތަރައްގީކޮށް ރައްކާތެރިކުރުމާއި ސްޓްރެޓެޖީތައް އެކުލަވާލުމާއި އެހެނިހެން މުހިންމު ހަރަކާތްތަކުގައި އިންސާނީ އަދި މުއައްސަސާތަކުގެ ގާބިލްކަން ހަރުދަނާ ކުރުމަށް އެހީތެރިވުމަށް ސަރުކާރުގެ އޮފިޝަލުންނާ އެކު މަސައްކަތް ކުރާނެއެވެ.
ރާއްޖޭގައި ހުންނަވައިގެން ސާގަރ ޖޯޝީ މަސައްކަތް ކުރައްވާނީ މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޮލޮޖީއާ ގުޅިގެން ނޭޝަނަލް ކްލައިމެޓް ޗޭންޖް ޓްރަސްޓް ފަންޑެއް އެކުލަވާލުމުގެ އިތުރުން އެ ފަންޑާ ގުޅޭ އޮޕަރޭޝަނަލް މެނުއަލްތަކާއި ޕްރޮސީޖަރތައް ތައްޔާރުކުރުމަށެވެ.
ސީސީއެފްއޭއެޗްގެ ހަބް އެންޑް ސްޕޯކްސް މޮޑެލްގެ މާނައަކީ، ލިބިފައިވާ ފިލާވަޅުތަކާއި ލިބޭ ޢިލްމު ފަސޭހައިން ސަރަޙައްދުތަކުގެ ތެރޭގައި ޖަމާކޮށް، ހިއްސާކޮށް، ނަކަލުކުރުމެވެ. މިސާލަކަށް ކޮމަންވެލްތު ނޭޝަނަލް ކްލައިމެޓް ފައިނޭންސް އެޑްވައިޒަރު (ސީއެންސީއެފްއޭ) އިން ރާއްޖެއިން ނަގާނީ ޓޮންގާ ކްލައިމެޓް ޗޭންޖް ފަންޑު ހިންގުމަށް އެހީތެރިވަމުން އަންނަ ސީއެންސީއެފްއޭ ފޯ ޓޮންގާގެ މަސައްކަތްތަކާއި ތަޖުރިބާތަކެވެ. އަދި ސަސްޓެއިނަބަލް އައިލެންޑް ރިސޯސް ފްރޭމްވޯކް ފަންޑް (އެސްއައިއާރުއެފް ފަންޑް) ގެ އޮޕަރޭޝަނަލް މެނުއަލް އިސްލާހުކުރުމުގައި އެންޓިގޫއާ އާއި ބާބޫޑާއަށް އެހީތެރިވެދީފައިވާ ފަރާތްތަކުގެ ފަރާތުން ވެސް ޢިލްމު ލިބިގަނެވޭނެއެވެ.
މުޅި ނެޓްވޯކްގައި ތަޖުރިބާތައް ހިއްސާކުރުމުގެ މި ވައުދުގެ ސަބަބުން ކޮމަންވެލްތު ކްލައިމެޓް ފައިނޭންސް އެކްސެސް ހަބްގެ ފައިދާ ކޮމަންވެލްތުގެ ހުރިހާ ގައުމަކަށް ފޯރާނެކަމަަށް ކޮމަންވެލްތުން ބުނެއެވެ.
