ފުލުހަކަށް ހަމަލާދިން 3 މީހުން ހައްޔަރުކޮށްފި
23 އެޕްރީލު 2023 | އާދީއްތަ 02:30އެމީހުންގެ ބަންދަށް 7 ދުވަސް ވަނީ ޖަހާފައި
ތޯހިރާ އަޒްހާރް | 23 އެޕްރީލު 2023 | އާދީއްތަ 02:30
ފުލުހުން
ފުލުހަކަށް ހަމަލާދިން މައްސަލައެއްގައި ތިން މީހުން ހައްޔަރުކޮށްފިއެވެ.
ފުލުހުން ބުނީ މި މައްސަލައާ ގުޅިގެން ހައްޔަރުކޮށްފައިވަނީ އުމުރުން 20، 21 އަދި 25 އަހަރުގެ ތިން މީހުން ކަމަށެވެ.
މި ތިން މީހުންގެ ބަންދާމެދު ގޮތެއް ނިންމުމަށް ހޮނިހިރު ދުވަހު ވަނީ ކްރިމިނަލް ކޯޓަށް ހާޒިރުކޮށްފައެވެ. ކޯޓުން ވަނީ މި ތިން މީހުންގެ ބަންދަށް 7 ދުވަސް ޖަހާފައެވެ.
މި ތިން މީހުންގެ މައްޗަށް ކުރަނީ ފުލުހެއްގެ ގައިގައި ޖެހުމާއި މުދަލަށް ގެއްލުންދިނުމުގެ ތުހުމަތެވެ.
ފުލުހުން ގެންދަނީ މި މައްސަލަ އިތުރަށް ތަހުގީގުކުރަމުންނެވެ.
