ހޫނުމިން 40ށް އަރާ، ސަމާލުވުމަށް އިލްތިމާސްކޮށްފި

ރާއްޖޭގެ ފިނިހޫނުމިން 40 ޑިގްރީ ސެލްސިއަސްއަށްވުރެ މައްޗަށް އަރާތީ ސަމާލުވުމަށް އިލްތިމާސްކޮށްފިއެވެ.

މޫސުމާބެހޭ ގައުމީ އިދާރާއިން ބުނީ, އެޕްރީލް މަހަކީ އަހަރުގެ ތެރޭގައި މުޅި ރާއްޖެއަށް އެންމެ ހޫނުގަދަ މަސް ކަމަށެވެ. މިދުވަސްވަރު ވައި މަޑުވުމާއި، އޭގެ ސަބަބުން ވައިގެ ތެތްކަން މަތިކޮށް ހިފެހެއްޓިފައި ހުރުމުން ވައިގެ ހޫނުމިނަށްވުރެ އިހްސާސްކުރެވޭ ހޫނުމިން އެތައް ގުނައެއް މަތިވެއެވެ. މިއީ އިރުވައި މޫސުމުން ހުޅަނގު މޫސުމަށް ބަދަލުވާ ދުވަސްވަރެވެ.

މޫސުމާބެހޭ ގައުމީ އިދާރާއިން ބުނީ، ހަނިމާދޫއާއި ކައްދޫއަށް 40.4 ޑިގްރީ ސެލްސިއަސްއަށް ހޫނު ގަދަވާނެކަމަށާއި، އެންމެ ދަށްކޮށްވެސް މި 2 ސަރަހައްދަށް ފިނިހޫނުމިން ހުންނާނީ 32 ޑިގްރީ ސެލްސިއަސްގައި ކަމަށެވެ.

އެހެނިހެން ހިސާބުތަކަށް ބަލާއިރު، ހުޅުލެއަށް 39.3 ޑިގްރީ ސެލްސިއަސްއަށް އެންމެ ހޫނުވާނެކަމަށް ލަފާކުރެވޭއިރު، އެންމެ ދަށްވާނީ 31.6 ޑިގްރީ ސެލްސިއަސްއަށެވެ. ކާޑެއްދޫއަށް 39.6 ޑިގްރީ ސެލްސިއަސްއަށް ފިނިހޫނުމިން ހުންނާނެކަމަށް ލަފާކޮށްފައިވާއިރު، އެންމެ ދަށްކޮށް ހުންނާނީ 31.6 ޑިގްރީ ސެލްސިއަސްގައި ކަމަށް ބުނެފައިވެއެވެ. މީގެ އިތުރުން، އެންމެ ދެކުނުން ގަމުގެ ފިނިހޫނުމިން 39.8 ޑިގްރީ ސެލްސިއަސްގައި ހުންނާނެކަމަށް ލަފާކޮށްފައިވާއިރު، އެންމެ ދަށްވާނެކަމަށް ލަފާކޮށްފައިވަނީ 31.8 ޑިގްރީ ސެލްސިއަސްއަށެވެ.

ހޫނުގަދަވުމުގެ ސަބަބުން ދިމާވެދާނެ ބައެއް ސިއްހީ މައްސަލަތަކުގެ ތެރޭގައި؛

ވަރުދެރަވުން، ބޮލުގައި ރިއްސައި ބޯއެނބުރުން، ނުވަތަ އަކުނިވަޔަށްދެމުން ފަދަ އަލާމާތްތައް ފެންނަނަމަ އަވަހަށް ސިއްހީ ފަރުވާ ހޯދުން މުހިންމެވެ.

ތުއްތުކުދިންނަށް ސަމާލުކަންދިނުން؛

އިރުގެ ދޯދިންނާއި ހޫނުން ރައްކާތެރިވުމަށް ކުރެވިދާނެ ކަންތައްތައް؛

ހޫނު ގަދަވުމުގެ ސަބަބުން ބައެއް ސިއްހީ މައްސަލަތައް ދިމާވެދާނެއެވެ. މިކަމުން ރައްކާތެރިވުމުގެ ގޮތުން އަޅަންޖެހޭ ފިޔަވަޅުތައް އަޅައި، ގެއިން ބޭރަށް ނުކުންނައިރުވެސް މި ކަމަށް ސަމާލުކަން ދީގެން ނުކުތުން މުހިންމެވެ.