އިޓަލީގެ ރޯމާ ގޮވައިގެން މަޝްހޫރު ކޯޗު ހޯސޭ މޮރީނިއޯ ޔޫރޮޕާ ލީގުގެ ސެމީ ފައިނަލަށް ދަތުރުކޮށްފި އެވެ.

މިދިޔަ ސީޒަނުގެ ޔޫއޭފާ ކޮންފަރެންސް ލީގު ރޯމާއަށް ކާމިޔާބުކޮށްދިން ހޯސޭ މޮރީނިއޯގެ ކޯޗުކަމުގައި ކުޅެމުން އަންނަ ރޯމާ ސެމީ އަށް ދަތުރުކުރީ ނެދަލޭންޑްސް ފޭނޫޑްގެ މައްޗަށް ކުރި ހޯދައިގެންނެވެ. މި ދެ ޓީމު މިރޭ ރޯމްގައި ކުޅުނު މެޗު 1-2އިން ކާމިޔާބުކުރީ ރޯމާ އެވެ. އެއީ މެޗުގެ އިތުރު ވަގުތުގެ ވެސް ފަހު މިނިޓްގައި ޕައުލޯ ދީބާލާ ޖެހި ގޯލުންނެވެ.

މި ލަނޑާއެކު 2-2ގެ އެގްރީގޭޓުން ނަތީޖާ އެއްވަރުވުމުން ރޯމާ މޮޅުވީ އިތުރު ވަގުތުގެ ދެހާފުގެކުޅުމުގައި އަލްޝަރާވީ އާއި ޕެއްލެގްރީނީ ޖެހި ގޯލު ތަކުން 4-2 ގެ ޖުމުލަ ނަތީޖާއިންނެވެ.

ސެމީފައި ރޯމާއާ ވާދަކުރާނީ ސްޕޭނުގެ ސެވިއްޔާ އެވެ. މިއީ މުބާރާތުގެ އެންމެ ކާމިޔާބު ޓީމެވެ. އެމީހުން ސެމީ އަށް ދަތުރުކުރީ މޮރީނިއޯ އެ ޓީމަށް ޔޫރޮޕާ ލީގް ކާމިޔާބުކޮށްދިން މެންޗެސްޓާ ޔުނައިޓެޑް ބަލިކޮށްފަ އެވެ.