އެއާކްރާފްޓްތަކުގެ އިންޖީނުތައް މެއިންޓެއިން ކުރުމަށް ވަރަށް ބޮޑު ބެކްލޮގެއް އެބައޮތް: އެމްޑީ މިހާދު
17 އެޕްރީލު 2023 | ހޯމަ 16:50މާލީ ހާލަތު ހުރިގޮތުން ކުންފުނީގެ ތަރައްގީއަށް ވަރަށް ބޮޑެތި ގޮންޖެހުންތައް ކުރިމަތިވޭ
ފަރެސްމާތޮޑާ އެއަރޕޯޓަށް ޓެސްޓް ފްލައިޓް ޖައްސަނީ
ކޮވިޑް-19އަށްފަހު އެއާކްރާފްޓްތަކުގެ އިންޖީނުތައް މެއިންޓެއިން ކުރުމަށް ވަރަށް ބޮޑު ބެކްލޮގެއް އެބައޮތް ކަމަށް, އައިލެންޑް އޭވިއޭޝަންގެ މެނޭޖންގ ޑިރެކްޓަރު މުހައްމަދު މިހާދު ވިދާޅުވެއްޖެއެވެ.
ހޯމަ ދުވަހު އެސްއޯއީ ކޮމެޓީގައި މިހާދު ވިދާޅުވީ، ކޮވިޑް-19އާއެކު ޚިދުމަތްތަކަށް ވަރަށް ބޮޑެތި ބަދަލުތަކެއް އައިސްފައިވާކަމަށެވެ.
މިހާދު ވިދާޅުވީ މެއިންޓަނަންސް އޯގަނައިޒޭޝަން އެއާކްރާފްޓްތަކުގެ އިންޖީނުތައް މެއިންޓެއިންކުރުމާއި ރިޕެއަރ ކުރުމުގެ މަސައްކަތްތައް ކުރަމުންދާ ކަަމަށެވެ. ނަމަވެސް ކޮވިޑް-19އާ ގުޅިގެން އައި ބެކްލޮގާއެކު މިހާރުވެސް އެމަސައްކަތް ކުރުމުގައި ވަރަށް ބޮޑު ބެކްލޮގެއް އެބައޮތް ކަމަށް އޭނާ ވިދާޅުވިއެވެ. އަދި އިންޖީނުތައް މެއިންޓެއިން ކުރަންޖެހޭ މުއްދަތުގެ ތެރޭގައި މަރާމާތު ނުކުރެވި ދިގުލައިގެންދާ ކަމަށާއި، ބައެއް ހާލަތުގައި އިންޖީނު ބަދަލުކުރާ ކަމަށް މިހާދު ވިދާޅުވިއެވެ.
މީގެ އިތުރުން އައިލެންޑް އޭވިއޭޝަންގެ މާލީ ހާލަތު ހުރިގޮތުން ކުންފުނީގެ ތަރައްގީއަށް ވަރަށް ބޮޑެތި ގޮންޖެހުންތައް ވަނީ ކުރިމަތިވެފައެވެ. އަދި މިދިޔަ ދެ އަހަރެއްގެ ތެރޭގައި ވަރަށް ބޮޑު ގެއްލުންތަކެއް ކުންފުންޏަށް ކުރިމަތިވިއެވެ.
