ގުރައިދޫ ދާއިރާގެ ވޯޓު ގުނުން، ރޯދަ ވީއްލުމަށްފަހު
ގުރައިދޫ ދާއިރާއަށް ވޯޓުލުމުގެ ޝަރުތު ހަމަވަނީ 3423
ގުރައިދޫ ދާއިރާގެ ބައި އިލެކްޝަން ކުރިއަށްދަނީ
މިއަދު ކުރިއަށްދިޔަ ރައްޔިތުންގެ މަޖިލީހުގެ ކ. ގުރައިދޫ ދާއިރާގެ ބައި އިލެކްޝަންގެ ވޯޓު ގުނުން ކުރިއަށްދާނީ ރޯދަ ވީއްލުމަށްފަހު ކަމަށް އިލެކްޝަންސް ކޮމިޝަނުން ބުނެފިއެވެ.
މިއަދު ގުރައިދޫ ދާއިރާގެ ވޯޓުލުން ކުރިއަށްގެންގޮސްފައިވާއިރު ހަވީރު 5:00 އާ ހަމައަށް ވޯޓުލުމު ފުރުސަތު އީސީން އިތުރުކުރިއެވެ. އެގޮތަށް ނިންމީ މޫސުން ގޯސްވުމުގެ ސަބަބުން ބައެއް ފަރާތްތަކަށް ވޯޓު ލާން ދިއުމުގައި ދަތިތަކާ ދިމާވުމުން ކަމަށް އީސީން ބުންޏެވެ.
އީސީން އިތުރު ކުރި ވަގުތު ވެސް މިހާރު ހަމަވެފައިވާއިރު އެ އިދާރާއިން ބުނީ ވޯޓު ގުނަން ފަށާނީ ރޯދަ ވީއްލުމަށްފަހު ކަމަށެވެ. އަދި ވޯޓުލާ ކޮންމެ މަރުކަޒަކުން ވެސް އެ މަރުކަޒެއްގައި ވޯޓު ގުނާނެ ގަޑި އިއުލާން ކުރާނެ ކަމަށް ވެސް ބުންޏެވެ.
އީސީން އާއްމުކޮށްފައިވާ ތަފާސްހިސާބުތައް ދައްކާ ގޮތުގައި ގިނަ އަދަދެއްގެ ބަޔަކު ވަނީ މިއަދު ހަވީރު 4:00 އާ ހަމައަށް ވޯޓު ލައިފައެވެ. އެގޮތުން 1382 ފިރިހެނުންނާއި 1290 އަންހެނުން ހިމެނޭހެން ޖުލްމަ 2672 މީހުން ވަނީ ވޯޓު ލައިފައެވެ.
ގުރައިދޫ ދާއިރާއަށް ވޯޓުލުމުގެ ޝަރުތު ހަމަވަނީ 3423 މީހުންނަށެވެ.
