ގުރައިދޫ ބައި އިލެކްޝަން: 33 އިންސައްތަ މީހުން ވޯޓުލައިފި

ހޮނިހިރު ދުވަހުގެ ހެނދުނު ފެށިގެން ކުރިއަށްދާ, ކ. ގުރައިދޫ ދާއިރާގެ ބައި އިލެކްޝަންގައި 33 އިންސައްތަ މީހުން ވޯޓުލައިފިއެވެ.

ހޮނިހިރު ދުވަހު މި އިންތިޚާބުގެ ވޯޓުލުން ފަށާފައިވާއިރު، ވޯޓުލުން ކުރިޔަށްދާނީ ހެނދުނު 8ން ހަވީރު 4ށެވެ.

އިލެކްޝަންސް ކޮމިޝަން (އީސީން) ވަނީ ރައްޔިތުންގެ މަޖިލީހުގެ ގުރައިދޫ ދާއިރާގެ މެންބަރު އިންތިޚާބު ކުރުމަށް ބާއްވާ ބައި-އިލެކްޝަނުގައި 12:00އާ ހަމައަށް ވޯޓުލާފައިވާ ނިސްބަތް އާންމުކޮށްފައެވެ.

އެގޮތުން ބަލާއިރު، 1097 މީހުން އެހާތަނަށް ވޯޓު ލާފައިވެއެވެ. އެއީ 566 ފިރިހެނުންނާއި، 531 އަންހެނުންނެވެ. އެއީ ވޯޓު ލެވޭ މީހުންގެ 33 އިންސައްތައެވެ.

މި އިންތިޚާބުގައި ވޯޓުލުމުގެ ހައްގު 3423 މީހުންނަށް ލިބިގެންވެއެވެ. 

ހޮނިހިރު ދުވަހު މި އިންތިޚާބުގެ ވޯޓުލުން ފަށާފައިވާއިރު، ވޯޓުލުން ކުރިޔަށްދާނީ ހެނދުނު 8ން ހަވީރު 4ށެވެ.

އަދި ވޯޓުލެވޭނީ 4 ޖަހާއިރު ކިޔުއަށް އަރައި ތިބޭ ފަރާތްތަކަށް ކަމަށާއި، 4ގެ ފަހުން ކިޔުއަށް އަރާ ފަރާތްތަކަށް އެފުރުސަތު ނުލިބޭނެކަމަށް އިލެކްޝަންސް ކޮމިޝަނުން ވަނީ ބުނެފައެވެ.