ރަޝިއާގެ ހަތިޔާރުތަކުން ޗައިނާގެ ކޮމްޕޯނެންޓްތައް ފެނުން އިތުރުވެއްޖެ: ޔޫކްރެއިން
15 އެޕްރީލު 2023 | ހޮނިހިރު 07:19ރަޝިއާގެ އަސްކަރިއްޔާގެ ނެވިގޭޝަން ސިސްޓަމަކުން ޗައިނާގެ އުފެއްދުންތައް ވަނީ ފެނިފައި
ރަޝިއާގެ ހަތިޔާރުތަކުން ޗައިނާގެ ކޮމްޕޯނެންޓްތައް ފެންނަ މިންވަރު އިތުރުވެފައިވާކަމަށް ޔޫކްރެއިނުން ބުނޭ
ރަޝިއާގެ ހަތިޔާރުތަކުން ޗައިނާގެ ކޮމްޕޯނެންޓްތައް ފެންނަ މިންވަރު އިތުރުވެފައިވާކަމަށް ޔޫކްރެއިނުން ބުނެފިއެވެ.
ރަޝިއާއާ ދެކޮޅަށް ހުޅަނގުން އަޅާފައިވާ ފިޔަވަޅުތަކުގެ ސަބަބުން އެގައުމަށް ހުޅަނގުގެ އުފެއްދުންތައް ލިބެމުން ނުދާތީ، އެގައުމުން ހަނގުރާމާގައި ބޭނުންކުރަމުންދާ ހަތިޔާރުތަކުން ޗައިނާގެ އުފެއްދުންތައް ފެންނަވަރު އިތުރުވެފައިވާކަަމަށް ޔޫކްރެއިނުން ބުނެއެވެ.
ޔޫކްރެއިނުން މިހެން ބުނެފައިވީނަމަވެސް، ޗައިނާއިން ދަނީ އެގައުމުން ރަޝިއާއަށް އަސްކަރީ ސާމާނު ފޯރުކޮށްނުދޭކަމަށް ތަކުރާރުކޮށް ބުނަމުންނެވެ.
މީގެ އިތުރުން ޗައިނާއިން ރަޝިއާއާއެކު ބާއްވާ ވިޔަފާރީގެ ގުޅުމަކީ އެގައުމުން އެހެން ގައުމުތަކާއެކުވެސް ބާއްވާ، ދެގައުމަށް މަންފާވާފަދަ ގުޅުމެއްކަމަށް ޗައިނާއިން ވަނީ ބުނެފައެވެ. ސީދާ ޗައިނާއިން ރަޝިއާއަށް އަސްކަރީ ސާމާނު ފޯރުކޮށްދޭކަމަށް އެއްބަސްވެފައެއް ނުވެއެވެ.
ނަމަވެސް މީޑިއާ ރިޕޯޓުތައް ބުނާގޮތުން، ރަޝިއާގެ އަސްކަރިއްޔާގެ ނެވިގޭޝަން ސިސްޓަމަކާއި އަސްކަރިއްޔާގެ ޓޭންކްތަކުގައި ބޭނުންކުރާ ފަޔަރ ކޮންޓްރޯލް ސިސްޓަމްތަކުން ޗައިނާގެ އުފެއްދުންތައް ވަނީ ފެނިފައެވެ.
