ގެއްލިގެން ހޯދަމުންދިޔަ އުމްރާވެރިޔާ ފެނިއްޖެ
14 އެޕްރީލު 2023 | ހުކުރު 09:49އޭނާ ގެއްލިފައިވަނީ ދަމުނަމާދަށް ފަހު
ތޯހިރާ އަޒްހާރް | 14 އެޕްރީލު 2023 | ހުކުރު 09:49
ގެއްލިގެން ހޯދަމުންދާ މީހާ
ގެއްލިގެން ހޯދަމުންދިޔަ ރާއްޖޭގެ އުމްރާވެރިޔާ ފެނިއްޖެއެވެ.
އޭނާ ނިސްބަތްވާ ޖަމިއްޔާ ކަމަށްވާ ޡާބިތް ހައްޖު އެންޑް އުމްރާ ޖަމިއްޔާއިން ވަނީ މިކަން ކަށަވަރުކޮށްދީފައެވެ.
ގެއްލިގެން ހޯދަމުންދިޔައީ ހއ. ހޯރަފުށި، ނޫވިލާގޭ ފާތިމަތު ވަހީދާއެވެ. އޭނާ ގެއްލުނީ އާއިލާގެ އެހެން މީހުންނާއެކު ދަމުނަމާދަށް ދިއުމަށްފަހު، މޯބައިލް، ކާޑު އަދި ދަބަސް ބޭއްވުމަށްފަހު އާއިލާގެ މެންބަރުންނާ ދުރަށް ދިޔަފަހުންނެވެ. އަދި އެނބުރި ހޮޓަލަށް ގޮސްފައިނުވާތީ ކަމަށް އެ ޖަމާއަތުން ބުނެފައިވެއެވެ.
