28 ސްކޫލެއްގައި މަސައްކަތްތެރިކަން ދަސްކޮށްދޭން ފަށަނީ
248 ޕްރޮޖެކްޓްގެ މަސައްކަތް ކުރުމަށް ހަމަޖެހިފައިވޭ
އެޑިއުކޭޝަން މިނިސްޓަރު ޑރ. އާއިޝަތު އަލީ
އޮގަސްޓް މަހު 28 ސްކޫލެއްގައި ސްކިލް އެޑިއުކޭޝަން ނުވަތަ މަސައްކަތްތެރިކަން ދަސްކޮށްދިނުމުގެ މަރުހަލާ ފެށޭނެ ކަމަށް މިނިސްޓަރ އޮފް އެޑިޔުކޭޝަން ޑޮކްޓަރު ޢާއިޝަތު ޢަލީ ވިދާޅުވެއްޖެއެވެ.
އެކަމަނާ އެހެން ވިދާޅުވީ މަޖިލީހުގައި ރައްޔިތުންގެ މަޖިލީހުގެ ކެޔޮދޫ ދާއިރާގެ މެންބަރު ހަސަން ޤާސިމް ކުރެއްވި ސުވާލަކަށް ޖަވާބުދެއްވަމުންނެވެ. އޭނާ ވިދާޅުވީ ރާާއްޖޭގައި މަސައްކަތްތެރިން ވަރަށް މަދު ކަމަށެވެ. އެހެންކަމުން ސްކޫލް ނިމޭ ދަރިވަރުންނަށް މަސައްކަތް ދަސްކޮށްދިނުމަށް އެއްވެސް ކަހަލަ މިނިސްޓްރީން ހިންގާ ރާވަމުންދޭތޯ ސުވާލުކުރައްވާފައެވެ. އަދި ސްކޫލްތަކުގެ އިންފްރާސްޓްރަކްޗަރަށް މިދިޔަ ސަރުކާރުތަކުން އަޅާނުލުމުގެ ސަބަބުން ދިމާވެފައިވަ ދަތިތައް ހައްލުކުރުމަށް ކުރާ މަސައްކަތްތަކާއި މެދު އޭނާ ވަނީ ސުވާލުކުރައްވާފައެވެ.
ރަސްމީ ތައުލީމްގެ ނިޒާމްގެ ތެރެއަށް މަސައްކަތްތެރިކަން ދަސްކޮށްދޭނެ ގޮތް ތަޢާރަފްކުރަން ވަނީ ނިންމަވާފައި ކަމަށް މިނިސްޓަރު ވިދާޅުވިއެވެ. އެގޮތުން ރާއްޖޭގެ ހުރިހާ ސަރަހައްދެއްގައި މަސައްކަތްތެރިކަން ދަސްކޮށްދިނުމަށް ރާވާފައިވާ ކަަމަށާއި އެ މަސައްކަތް ކުރިއަށް ގެންދާނީ އެކި ސަރަހައްދުތަކުގައި ހުންނަ ވޯރކްޝޮޕްތައް މެދުވެރިކޮށް ކަމަށް މިނިސްޓަރު ވިދާޅުވިއެވެ. އެގޮތުން 28 ސްކޫލެއް ފާހަަގަކޮށް، އެ ސްކޫލްތަކުގައި އެ މަސައްކަތް ފެށުމަށް ވޯރލްޑް ބެންކުން ފަންޑު ވެސް ލިބިފައިވާ ކަމަށް މިނިސްޓަރު ވިދާޅުވިއެވެ. އޭގެ ތެރެއިން ސަމާލުކަން ދޭނީ ދަށު ގްރޭޑްތަކުގެ ދަރިވަރުން މަސައްކަތްތަކަށް އަހުލުވެރިކުރުވުމާއި، އެ ރަށެއްގައި އެންމެ ބޮޑަށް ކުރާ މަސައްކަތެއް ސްކޫލްތެރެއިން ކުދިންނަށް އެ މަސައްކަތް ސްކޫލްތެރެއިން އެ މަސައްކަތް ދަސްކޮށްދިނުމަށް ކަމަށް މިނިސްޓަރު ވިދާޅުވިއެވެ. އެގޮތުން މިހާރު ކުރިއަށްދާ މަސައްކަތަކީ ރަށްރަށުގައި ކުރިއަށްދާ މަސައްކަތަކީ ކޮބައިކަން ދެނެގަތުމުގެ މަސައްކަތް ކަމަށް މިނިސްޓަރު ވިދާޅުވިއެވެ.
މީގެ އިތުރުން އިންފްރާސްޓްރަކްޗަރަށް ކުރަމުންދާ މަސައްކަތްތަކުގެ ތަފްސީލް ހިއްސާކުރައްވަމުން މިނިސްޓަރު ވިދާޅުވީ ތައުލީމީ ދާއިރާއާ ގުޅުންހުރި 248 ޕްރޮޖެކްޓްގެ މަސައްކަތް ކުރުމަށް ހަމަޖެހިފައިވާ ކަަމަށާއި، އެ މަސައްކަތް ކުރިއަށްދާ ކަމަށެވެ.
