މިނިސްޓަރ ސެކްޝަންތަކަަަށް ގޮސްފި ނަމަ ކޮޅަށް ތެދުވެ އިހުތިރާމް އަދާކުރަން އަންގައިފި
7 ޖުލައި 2025 | ހޯމަ 04:28މިއީ ޚުދުމުހުތާރު އަމަލެއް ކަމަށް އާންމުން ބުނެފައިވޭ
އެޑިއުކޭޝަން މިނިސްޓަރ އިސްމާއިލް ޝަފީއު
އެޑިއުކޭޝަން މިނިސްޓަރ އިސްމާއިލް ޝަފީއު އާއި މިނިސްޓަރު ފެންވަރުގެ ބޭފުޅަކު އެ މިނިސްޓްރީގެ ސެކްޝަންތަކަށް ވަޑައިގަތުމުން އިހްތިރާމް އަދާކުރުމަށް މުވައްޒަފުންނަށް އަންގައިފިއެވެ.
އެޑިއުކޭޝަންގެ މުވައްޒަފުންނަށް ފޮނުވާފައިވާ މެއިލް އެއްގައި އެ ބޭފުޅުން ކޮންމެ ސެކްޝަނަކަށް ވަޑައިގަތަސް އަދަބު އިހުތިރާމު އަދާކުރުމުގެ ގޮތުން ކޮޅަށް ތެދުވުމަށް އަންގާފައިވެއެވެ.
މީގެ އިތުރުން މިނިސްޓަރ ނުވަތަ އެ ފެންވަރުގެ ބޭފުޅުންނާއި ހިނިތުންވުމާއެކު މުހާތަބުކުރަން އެ އީމެއިލް މެދުވެރިކޮަސް މުވައްޒަފުންނަށް އަންގާފައިވެއެވެ.
އެ އީމެއިލް ފޮނުވާފައި ވަނީ އެ މިނިސްޓްރީގެ ސީނިއާ އެޑްމިނިސްޓްރޭޓިވް އޮފިސަރު އުމްނިއްޔާ މުސްތަފާއެވެ.
މި އީމެއިލް ސޯޝަލްމީޑިއާގައި ދައުރުވާން ފެށުމާއި އެކު އާއްމުން ދަނީ އެކަމަަށް ވަރަށް ބޮޑަށް ފާޑުކިޔަމުންނެވެ. އާއްމުން ވަނީ އިހްތިރާމަކީ ގަދަ ބާރުން ހޯދާ އެއްޗެއް ނޫން ކަމަށް ބުނެފައެވެ. އަދި މިއީ ޚުދުމުހުތާރު އަމަލެއް ކަމަށް އާންމުން ބުނެފައިވެއެވެ.
