ފިޠުރު ޢީދު ނަމާދުގެ ބޮޑު ޖަމާޢަތުގެ ސައުންޑް ހަމަޖައްސައިދޭނެ މީހަކު ހޯދަނީ
އަންދާސީ ހިސާބު ހުށަހެޅުން އޮތީ 2023 އެޕްރީލް 18 ވާ އަންގާރަ ދުވަހު
ކ. ދިއްފުށީގައި ކުރެވުނު ޢީދު ނަމާދު
1444 ވަނައަހަރުގެ ފިޠުރު ޢީދު ނަމާދުގެ ބޮޑުޖަމާޢަތް ބޭއްވުމަށް ސައުންޑް ހަމަޖައްސައިދޭނެ މީހަކު ހޯދުމަށް މިނިސްޓްރީ އޮފް އިސްލާމިކް އެފެއާޒް އިން އިއުލާނުކޮށްފިއެވެ.
އިސްލާމިކް މިނިސްޓްރީން ވަނީ މާފަންނު ސްޓޭޑިއަމް ސަރަޙައްދާއި، ވިލިމާލެ ބޯޅަދަނޑު އަދި ހުޅުމާލެ ފޭސް-2 ގެ ކްރިކެޓް ސްޓޭޑިއަމްގައި ސައުންޑް ހަމަޖައްސައިދޭނެ ފަރާތެއް ހޯދުމަށް އިއުލާނުކޮށްފައެވެ.
މިނިސްޓްރީން މައުލޫމާތު ދޭ ގޮތުގައި މި ބީލަން ހުޅުވާލެވިފައިވަނީ، ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރ: 18/2014) ގެ ދަށުން ވިޔަފާރި ރަޖިސްޓްރީ ކޮށްފައިވާ ކުދި އަދި މެދު ފަންތީގެ ވިޔަފާރިތަކަށެވެ.
މިނިސްޓްރީން ވަނީ އެކަމަށް ޝައުގުވެރިވެލައްވާ ފަރާތްތަކުން އަންދާސީ ހިސާބު ހުށަހެޅުމަށް ރަޖިސްޓްރީކޮށް، މަޢުލޫމާތު ސާފު ކުރުމަށްފަހު މިނިސްޓްރީއަށް އަންދާސީ ހިސާބު ހުށަހެޅުމަށް އެދިފައެވެ.
ބީލަމުގައި ބައިވެރިވެލައްވަން އެދޭ ފަރާތްތަކުން 2023 އެޕްރީލް 11 ވާ އަންގާރަ ދުވަހުގެ 14:00 ގެ ކުރިން ރަޖިސްޓްރީ ކުރުމަށް މިނިސްޓްރީން ވަނީ އެދިފައެވެ.
އަންދާސީ ހިސާބު ހުށަހެޅުން އޮތީ 2023 އެޕްރީލް 18 ވާ އަންގާރަ ދުވަހުގެ 11:00 ގައެވެ.
