20،000 ރުފިޔާއާއެކު ބޮކި ބޯޅަ މުބާރާތުގެ ޗެމްޕިއަންކަން ޓީމް ށަވިޔަންޏަށް
ރަނަރަޕް ޓީމް- ބްރޯލާޒްއަށް 10،000 ރުފިޔާގެ އިނާމެއް ލިބިފައިވޭ
ބޮކި ބޯޅަ މުބާރާތުގެ ޗެމްޕިއަން ޓީމް
އުރީދޫ މޯލްޑިވްސްއިން މި ރަމަޟާން މަހަށް ޚާއްސަކޮށްގެން ބޭއްވި އުރީދޫ ބޮކި ބޯޅަ މުބާރާތުގެ ޗެމްޕިއަންކަން ށަވިޔަނި ޓީމުން ހޯދައިފިއެވެ.
ހުކުރު ދުވަހުގެރޭ ބޭއްވި ރަސްމިއްޔާތުގައި ވަނަ ހޯދި ޓީމުތަކަށް މެޑައްޔާއި ތަށީގެ އިތުރުން ފައިސާގެ އިނާމުގެ ރަމްޒީ ލިޔުން ހަވާލު ކޮށްދެއްވީ މާޒިޔާ ސްޕޯޓްސް ކްލަބުގެ ވައިސް ޗެއާމަން އަބްދުﷲ މޫސާ އާއި އިބްރާހިމް ފަޔާޒް އަދި އުރީދޫ މޯލްޑިވްސްގެ މެނޭޖިން ޑިރެކްޓަރު އަދި ސީއީއޯ ޚާލިދު އަލް ހަމާދީއެވެ.
ފައިނަލް މެޗުގައި ށަވިޔަނީ އާއި ބްރޯލަރޒް-ރޭޖް ފިޓްނަސް ބައްދަލުކުރި މެޗުން ޓީމް ށަވިޔަނީ ޗެމްޕިއަންކަން ހޯދީ ޓީމް ބްރޯލާޒް އަތުން 1-0 އިން މޮޅުވެގެންނެވެ. މުބާރާތުގެ ޗެމްޕިއަންކަމުގެ ގޮތުގައި ށަވިޔަންޏަށް 20،000 ރުފިޔާ، ރަނަރަޕް ޓީމް - ބްރޯލާޒްއަށް 10،000 ރުފިޔާ އަދި ތިން ވަނަ އަށް ހޮވުނު ޓީމު - ކްރޮސްރޯޑްސް މޯލްޑިވްސް އަށް 5،000 ރުފިޔާ ލިބިފައިވެއެވެ.
އުރީދޫ މޯލްޑިވްސްއިން ކުޅިވަރު ކުރިއެރުވުމަށާއި ދިވެހި ހުނަރުވެރިން ބާރުވެރިކުރުވުމަށް މަސައްކަތްކުރެއެވެ. ކުރިއަށް އޮތްތަނުގައިވެސް އުރީދޫ ބޮކި ބޯޅަ މުބާރާތް ފަދަ މަޖާ އަދި އުފާވެރި ހަރަކާތްތައް ތައާރަފްކުރަމުން ގެންދާނެ ކަމަށް އުރީދޫ އިން ވަނީ ބުނެފައެވެ.
