ޔޫއޭފާގެ ރައީސް ކަމަށް އަނެއްކާ ވެސް ސެފެރިން
އޭނާ އަށް ފީފާގެ ރައީސް ވަނީ މަރުހަބާ ކިޔާފައި
ޔޫއޭފާގެ ރައީސް ސެފެރިން (ކ)
ޔޫރަޕުގެ ފުޓްބޯޅަ ޖަމިއްޔާ ޔޫއޭފާގެ ރައީސް ކަމަށް އަނެއްކާ ވެސް އެލެގްޒެންޑާ ސެފެރިން އިންތިހާބުކޮށްފި އެވެ.
2016 ވަނަ އަހަރުން ފެށިގެން އޭނާ އަދާކުރަމުން އަންނަ މަގާމަށް ކުރިއަށް އޮތް ހަތަރު އަހަރަށް ސެފެރިން ހޮވީ ޕޯޗުގަލްގެ ލިޒްބަންގައި ބޭއްވި ޔޫއޭފާ ކޮންގްރެސްގަ އެވެ. ސެފެރިންއާ ވާދަކުރާނެ އެއޮތް ބޮޑު ޔޫރަޕުގައި ނެތެވެ.
އޭނާގެ އެކުވެރިޔާ އަދި ފީފާގެ ރައީސް ޖިއާނީ އިންފަންޓީނޯ ވަނީ ވާދަވެރިއަކު ނެތި ސެފެރިން އައު ހަތަރު އަހަރު ކަށަވަރު ކުރުމުން މަރުހަބާ ކިޔައިފަ އެވެ. އޭނާ ބުނީ މިއީ ސެފެރިންގެ ކުޅަދާނަކަން ކަމަށެވެ. އިންފަންޓީނޯ ވެސް ވަނީ މިދިޔަ މަހު ވާދަވެރިއަކު ނެތި ފީފާގައި އޭނާ އަދާކުރާ ރައީސް ކަމުގެ މަގާމަށް އިތުރު ހަތަރު އަހަރަށް އިންތިހާބުވެފަ އެވެ.
އޭނާ ބުނީ ޔޫއޭފާ އާއި ފީފާގެ ކުޅުން ވަރަށް ބަދަހި ކަމަށާއި އެކަން ސިފަކޮށްދޭން ބުނެވޭނީ އެންމެ ދެ ބަސް ކަމަށެވެ. އެއީ މަރުހަބާ އާއި ގުޅުން ކަމަށެވެ. އަދި ޔޫރަޕުގެ ފުޓްބޯޅަ ކުރިއެރުވޭނީ އެންމެން ގުޅިގެން ކަމަށާއި އެކުވެރިކަމާއެކު ކުރިއަށް ދިއުން މުހިންމު ކަމަށެވެ.
އިންފަންޓީނޯ ބުނީ 2023 ވަނަ އަހަރާ ހަމައަށް ހާއްސަ ޕްލޭނަކާއެކު ފުޓްބޯޅަ ކުރިއެރުވުމަށް މަސައްކަތް ކުރަންޖެހޭ ކަމަށާއި ދުނިޔޭގެ ފުޓްބޯޅައިގެ އެންމެ މުހިންމު ބައިވެރިއަކީ ޔޫއޭފާ ކަމަށެވެ.
