ރަމަޟާން ކްރިކެޓް ކާނިވަލްގައި ހިމެނޭ އޯޕަން ޓޭޕް ބޯލް މުބާރާތުގައި މީޓިއާސް ކުޅުނު ތިންވަނަ މެޗުވެސް ކާމިޔާބުކޮށްފިއެވެ.

މީޓިއާސް ތިންވަނަ މެޗު ކާމިޔާބުކުރީ ފަސް ވިކެޓުން ވާރު ބަލިކޮށްގެންނެވެ. ވާރު ކުޅެންއަރާ 8 އޯވަރުގެ ތެރޭގައި ކުޅުންތެރިއަކު ނުބައިވެގެން ހެދުނީ 109 ލަނޑެވެ. މީޓިއާސްއިން ވަނީ ހަ އޯވަރުގެ ތެރޭގައި ދެ ކުޅުންތެރިން ނުބައިވިއިރު 111 ލަނޑު ހަމަކޮށް, މެޗު ކާމިޔާބުކޮށްފައެވެ. މީޓިއާސް ވަނީ މިހާތަނަށް ކުޅުނު ތިން މެޗުންވެސް މޮޅުވެފައެވެ. ވާރު ކުޅުނު ތިން މެޗުގެ ތެރެއިން މޮޅުވީ އެއް މެޗުންނެވެ.

މުބާރާތުގައި ސުގަރ ކޯން ވަނީ ދެވަނަ މޮޅު ހޯދާފައެވެ. އެއީ 6 ވިކެޓުން ޕޮލިސް ކްލަބް ބަލިކޮށްގެންނެވެ. މެޗުގައި ފުރަތަމަ ކުޅެންއަރާ 8 އޯވަރު ހަމަވިއިރު ޕޮލިސް ކްލަބަށް ހެދުނީ 94 ލަނޑެވެ. އެއީ ފަސް ކުޅުންތެރިން ނުބައިވެގެންނެވެ. ސުގަރ ކޯންއިން ވަނީ 5.4 އޯވަރުގެ ތެރޭގައި 97 ލަނޑާއެކު މެޗު ކާމިޔާބުކޮށްފައެވެ. ނުބައިވީ އެންމެ ކުޅުންތެރިއެކެވެ. ޕޮލިސް ކްލަބް ވަނީ ކުޅުނު ތިން މެޗުންވެސް ބަލިވެފައެވެ.