ރަމަޟާން ކްރިކެޓް ކާނިވަލްގައި ހިމެނޭ އޯޕަން ޓޭޕްބޯލް މުބާރާތުގައި އާރކް ކުޅުނު ދެވަނަ މެޗުވެސް ކާމިޔާބުކޮށްފިއެވެ.

އާރކް ދެވަނަ މެޗު ކާމިޔާބުކުރީ މެރީ ކޯނާއާ ވާދަކޮށް 103 ލަނޑުންނެވެ. މެޗުގައި އާރކްގެ އަށް އޯވަރު ހަމަވިއިރު, އެންމެ ކުޅުންތެރިއަކު ނުބައިވެގެން 183 ލަނޑު ހެދިއެވެ. އޭގެތެރެއިން 36 ލަނޑު ހެދީ ޒަކަރިއްޔާއެވެ. އައްޒާމްއާއި އިބްރާހީމް ހުސެއިންކުރެ ކޮންމެ ކުޅުންތެރިއަކު 34 ލަނޑު ހެދިއެވެ. ނަޝާތު 33 ލަނޑު ހެދިއެއެވެ. މެރީ ކޯނާ ކުޅެން އަރާ އަށް އޯވަރު ހަމަވިއިރު ތިން ކުޅުންތެރިން ނުބައިވެގެން ހެދުނީ 80 ލަނޑެވެ. މެރީކޯނާ ވަނީ ފުރަތަމަ މެޗުންވެސް ބަލިވެފައެވެ.

މުބާރާތުގައި އޮފް އެފްސީ ވަނީ ފުރަތަމަ މޮޅު ހޯދާފައެވެ. އެޓީމް ފުރަތަމަ މޮޅު ހޯދީ ކިންޒާ ކެފޭ 13 ލަނޑުން ބަލިކޮށްގެންނެވެ. އޮފް އެފްސީން ވަނީ އަށް އޯވަރުގެ ތެރޭގައި ދެ ކުޅުންތެރިން ނުބައިވިއިރު 97 ލަނޑު ހަދާފައެވެ. ކިންޒާ ކެފޭގެ އަށް އޯވަރު ހަމަވިއިރު ހެދުނީ 84 ލަނޑެވެ. އެއީ ހަތަރު ކުޅުންތެރިން ނުބައިވެގެންނެވެ.