ސްވިޑާސްކީގެ ލަނޑާއެކު ޕޮލެންޑުން އަލްބާނިއާ ބަލިކޮށްފި
ޕޮލެންޑުގެ ވެރިރަށް، ވާސޯގައި ހުންނަ، ޤައުމީ ސްޓޭޑިއަމްގައި ކުޅުނު މެޗު އެ ޓީމުން ކާމިޔާބު ކުރީ 1-0 އިން
ޕޮލެންޑުން ކުޅުނު މެޗުގެ ތެރެއިން
މިހާރު ކުރިއަށްދާ ޔޫރޯ ކޮލިފައިންގައި އަލްބާނިއާއާ ދެކޮޅަށް ކުޅުނު މެޗުން ޕޮލެންޑު މޮޅުވެއްޖެ އެވެ.
ޕޮލެންޑުގެ ވެރިރަށް، ވާސޯގައި ހުންނަ، ޤައުމީ ސްޓޭޑިއަމްގައި ކުޅުނު މެޗު އެ ޓީމުން ކާމިޔާބު ކުރީ 1-0 އިންނެވެ. މެޗުގައި ޕޮލެންޑުން ލަނޑު ޖެހުމަށް ކުރަމުން އައި މަސައްކަތް ކާމިޔާބު ކުރެވުނީ ފުރަތަމަ ހާފުގެ 41 ވަނަ މިނެޓުގަ އެވެ. އެއީ ޖަކޫބް ކަމިންސްކީ ތަަނަވަސްކޮށްދިން ފުރުސަތެއްގައި ކަރޯލް ސްވިޑާސްކީ ޖެހި ލަނޑެކެވެ. އޭގެ ފަހުން ވެސް ޕޮލެންޑުން ވަނީ ލަނޑު ޖަހާނެ ރަނގަޅު ފުރުސަތުތަކެއް ތަނަވަސްކޮށްފަ އެވެ. ޕޮލެންޑުގެ ކެޕްޓަން ރޮބާޓް ލެވަންޑޯސްކީ އަށް ވަނީ ދެ ފުރުސަތެއް ލިބިފަ އެވެ. ދެ ވަނަ ހާފުގައި އަލްބާނިއާ އިން ވެސް ލަނޑު ޖެހުމަށް މަސައްކަތްކޮށްފަ އެވެ. ނަމަވެސް ޕޮލެންޑުގެ ގޯލް ކީޕަރު ޝެޒްނީ ވަނީ ބޯޅަތައް ހުއްޓުވާފަ އެވެ.
ކޮލިފައިންގައި ޕޮލެންޑުގެ ކުޅުނު ފުރަތަމަ މެޗުގައި އެ ޓީމު ވަނީ ބަލިވެފަ އެވެ. މިހާތަނަށް ކުޅުނު ދެ މެޗުން ލިބުނު، ތިން ޕޮއިންޓާއެކު ޕޮލެންޑު އޮތީ ގްރޫޕްގެ ދެ ވަނައިގަ އެވެ. އެއް ވަނައިގައި އޮތީ މޮލްޑޮވާއާ ވާދަކޮށް އެއްވަރުވި ސެޗް ރިޕަބްލިކް އެވެ. އެ ޓީމުން ކުޅުނު ފުރަތަމަ މެޗުގައި ޕޮލެންޑު ބަލިކޮށްފައިވުމުން، އެއް ވަނައިގައި އޮތީ ހަތަރު ޕޮއިންޓާއެކު އެވެ.
