ކ. މާލެ
|
27 މާރޗް 2023 | ހޯމަ 13:25
ޖުޑީޝަލް ސަރވިސް ކޮމިޝަން
ޖުޑީޝަލް ސަރވިސް ކޮމިޝަން
ޖޭއެސްސީގެ އަހަރީ ރިޕޯޓު
ޖޭއެސްސީގެ އަމާޒު: 2023 ވަނަ އަހަރުގެ ނިޔަލަށް ހުރިހާ ފަނޑިޔާރުންގެ މަސައްކަތުގެ ފެންވަރު ބަލައި ނިންމުން
 
ފަނޑިޔާރުންނަށް ކުރާ އިއުލާނުތަކަށް އިޖާބަ ލިބޭ މިންވަރު އިތުރުކުރުމަށް ކަންކަން ރޭވިފައިވޭ
 
ކޮމިޝަނުގެ ހިންގާ ޤަވާއިދު މުރާޖައާކޮށް އާންމު ކުރުން ހިމެނޭ

މިހިނގާ 2023 ވަނަ އަހަރުގެ ނިޔަލަށް ހުރިހާ ފަނޑިޔާރުންގެ މަސައްކަތުގެ ފެންވަރު ބެލުމަކީ އެ ކޮމިޝަނުގެ އަމާޒެއްކަމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން ބުނެފިއެވެ.

ޖޭއެސްސީން ވަނީ ނިމިދިޔަ އަހަރުގެ އަހަރީ ރިޕޯޓު އާންމުކޮށްފައެވެ. އަދި މި އަހަރަށް ކޮމިޝަނުން އަމާޒު ހިފާފައިވާ ކަންކަމުގެ މައްޗަށްވެސް ރިޕޯޓުގައި ވަނީ އަލިއަޅުވާލާފައެވެ.

އޭގެ ތެރޭގައި ކޮމިޝަނުގެ މައްޗަށް ލާޒިމުކުރާ ޤަވާއިދުތަކުގެ ތެރެއިން މިހާތަނަށް ނުނިމިހުރި ޤަވާއިދުތަކާއި، އުސޫލުތަކާއި، އިޖުރާއަތުތައް ފާސް ކުރުން ހިމެނެއެވެ.

އޭގެ އިތުރުން، މި ދާއިރާއަށް ޝައުޤުވެރިކަން އިތުުރު ކުރުމަށްވެސް ބައެއް ކަންކަން ރާވާފައިވެއެވެ. އެގޮތުން ފަނޑިޔާރުންނަށް ކުރާ އިއުލާނުތަކަށް އިޖާބަ ލިބޭ މިންވަރު އިތުރުކުރުމަށް ދުރު ރާސްތާ ޕްލޭނެއްގެ ދަށުން، މި ދާއިރާއަށް ކިޔަވާ ކުދިންގެ ޝައުޤުވެރިކަން އިތުރުކުރުން ހިމެނެއެވެ.

އޭގެ އިތުރުން، ކޮމިޝަނުގެ ހިންގާ ޤަވާއިދު މުރާޖައާކޮށް އާންމު ކުރުމާއި، ކޯޓުތަކުގެ ޤާނޫނު އަދި ފަނޑިޔާރުންގެ ޤާނޫނަށް އަންނަ ބަދަލުތައް ތަންފީޒު ކުރުމަށް ދުރާލާ ކުރަންޖެހޭ ކަންކަމާއި ގުޅިގެން ގެންނަންޖެހޭ ބަދަލުތައް ގެނެސް ތަންފީޒު ކުރުންވެސް ހިމެނެއެވެ.

ޖޭއެސްސީން ވަނީ 2023 ވަނަ އަހަރުގެ ނިޔަލަށް ފަނޑިޔާރުންގެ މަސައްކަތުގެ ފެންވަރު ބެލުމަށް ކުރެވޭ މަސައްކަތުގެ ތެރެއިން، ހުރިހާ ފަނޑިޔާރުންގެ މަސައްކަތުގެ ފެންވަރު ބަލާ ނިންމުމަށްވެސް އަމާޒު ހިފާފައެވެ.

ހަމައެއާއެކު، ފަނޑިޔާރުންގެ ސުލޫކީ މައްސަލަ ބެލުމުގައި އަމަލުކުރާ އުސޫލާއި މިންގަނޑުތަކާއި އެކަންކަމަށް އަހުލުވެރި ކުރުވުމާއި ގުޅޭ ޕްރޮގްރާމްތައް ހިންގުންވެސް ހިމެނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް