"ޖީބަށް ލުއި ރަހައަކަށް" ސަމީރުގެ ބައިސްކަލު ގާޑިޔާ

މިދިޔަ 10 ވަރަކަށް އަހަރު ދުވަހަށް ބަލާއިރު، ދުނިޔޭގެ އެކި ކަންކޮޅުތަކުން އެންމެ ގިނަ ބައެއްގެ މަޤުބޫލުކަން ލިބުނު އެއް ކޭމަކީ، ދެކުނު އިރުމަތީ އޭޝިއާގެ ޤައުމުތަކުގެ ކޭންތަކެވެ. ވަކިން ހާއްސަކޮށް، ޖަޕާނުގެ ސުފުރާތައް ހާއްސަ ސުޝީއަށް ލޯބިކުރަން ފެށި މީހުންގެ ޢަދަދު ވަކިން ގިނައެވެ. ނަމަވެސް، ރަނގަޅު ފެންވަރުގެ ސުޝީ މީލްއަކީ ތާ އަބަދު ކެއުމަށް ކޮންމެ މީހެއްގެ ޖީބު ތަނަވަސްވެފައި އޮންނަ ކެއުމެއް ނޫނެވެ. މިކަމަށް ހައްލު ހޯދާދިން އެކަކީ، މިޞްރުގެ ޒުވާނެއް ކަމަށްވާ މުޙައްމަދު ސަމީރުއެވެ.

މިޞްރުގެ ވެރިރަށް ޤާޚިރާގެ މަގުތަކުގައި ސަމީރަކީ މަޤުބޫލު ވިޔަފާރިވެރިއެކެވެ. ސަބަބެއް ނެތިއެއް ނޫނެވެ. ސަމީރު ސުޝީ ބައިސްކަލަކީ، ހެޔޮ އަގުގައި ސުޝީ ތަޖުރިބާ ކޮށްލުމުގެ ފުރުޞަތު، އެތައް ބަޔަކަށް ހޯދާދޭ ގާޑިޔަލެކެވެ،

2019 ވަނަ އަހަރު، ސުޝީ ގާޑިޔާގެ މަސައްކަތް ފެށުމުގެ ކުރިން ސަމީރަކީ، ތަފާތު އެކި ރެސްޓޯރަންޓްތަކާއި ހޮޓާތަކުގައި މަސައްކަތްކޮށް، ދާއިރާގެ ތަޖުރިބާވެސް ހޯދައިގެން ހުރި ޒުވާނެކެވެ. ސުޝީތަކުގެ ރައްކާތެރިކަމާއި ސާފުތާހިރުކަން ކަށަވަރުވާނެ ގޮތަށް، ސުޝީ ތަބަކުގައި، ބިއްލޫރި މައްޗެއްވެސް ސަމީރު ޖަހާފައި ހުރެއެވެ. ސަމީރު ބުނި ގޮތުގައި ރެސްޓޯރަންޓަކަށް ގޮސް ސުޝީ މީލްއެއް ކާލުމަށް ވުރެ، އޭނާގެ ގާޑިޔާ ކައިރިއަށް ގޮސް ސުޝީ ގަނެލައިގެން ކާލުމަކީ ގިނަ ބަޔަކަށް މިއަދު އޮތް އެންމެ ފަސޭހަ އަދި ޖީބަށްވެސް ލުއި މަގެވެ.

ސުޝީތަކުގެ ރައްކާތެރިކަމާއި ސާފުތާހިރުކަން ކަށަވަރުވާނެ ގޮތަށް، ސުޝީ ތަބަކުގައި، ބިއްލޫރި މައްޗެއްވެސް ސަމީރު ޖަހާފައި ހުރެއެވެ. ސަމީރު ބުނި ގޮތުގައި ރެސްޓޯރަންޓަކަށް ގޮސް ސުޝީ މީލްއެއް ކާލުމަށް ވުރެ، އޭނާގެ ގާޑިޔާ ކައިރިއަށް ގޮސް ސުޝީ ގަނެލައިގެން ކާލުމަކީ ގިނަ ބަޔަކަށް މިއަދު އޮތް އެންމެ ފަސޭހަ އަދި ޖީބަށްވެސް ލުއި މަގެވެ.

މި ފަހަކަށް އައިސް، މިޞްރުގެ ރެސްޓޯރަންޓްތަކުގައިވެސް ސުޝީގެ މަޤުބޫލުކަން ދަނީ އިތުރު ވަމުންނެވެ. ސީދާ ސުޝީ މީލް ތައްޔާރު ކުރަން ހާއްސަ ރެސްޓޯރަންޓްތައްވެސް މިޞްރުގެ އެކި ހިސާބުތަކުގައި ދަނީ ހުޅުވަމުންނެވެ.