ޒުވާން ފޯވަޑް އިލާން ޔޫއޭއީގެ އަލްއައިން އަށް
އިލާން އަށް ކާމިޔާބީ އަށް އެދެން: އެފްއޭއެމްގެ ރައީސް ބައްސާމް
14 އަހަރުން ދަށުގެ މުބާރާތަށް ފަހު ބައްސާމް (ވ) އިލާން އަށް ރަންބޫޓު ހަވާލުކޮށްދެނީ
ކްލަބް ވެލެންސިއާ އާއި އިސްކަންދަރު ސްކޫލްގެ ހުނަރުވެރި ފޯވަޑް މުހައްމަދު އިލާން އިމްރާން ގަތަރުގައި ބާއްވާ މުބާރާތެއްގައި އެގައުމުގެ އަލްއައިން ކުލަބަށް ކުޅެން ގޮސްފި އެވެ.
މިއީ އެފްއޭއެމްގެ ރައީސް ބައްސާމް އަދީލް ޖަލީލްގެ ޓުވާޑްސް ފިއުޗާ ޕްރޮޖެކްޓްގެ ދަށުން ހޯދައިދިން ފުރުސަތެކެވެ. އަދި މިއީ މިފަދަ މުބާރާތަކަށް ދިވެހި ކުޅުންތެރިއަކު ދިޔަ ފުރަތަމަ ފަހަރުވެސްމެ އެވެ.
ބައްސާމް މިއަދު އޭނާގެ ފޭސްބުކް ޕޭޖްގައި ވިދާޅުވީ އިންޓަނޭޝަނަލް ޗެލެންޖްކަޕުގައި އިލާން ދައްކާ ކުޅުން އަލްއައިން ކުލަބުން މޮނިޓަރ ކުރާނެ ކަމަށެވެ.
އިލާން ވަނީ މިދިޔަ ހޯމަ ދުވަހުގެ ރޭ ނިމުނު 15 އަހަރުން ދަށުގެ އިންޓަ ސްކޫލް ފުޓްބޯޅަ މުބާރާތުގައި އިސްކަންދަންރު ސްކޫލަށް ހަ މެޗުން 38 ގޯލު ޖަހައި މުބާރާތުގެ ރަންބޫޓާއި މޮޅު ކުޅުންތެރިޔާގެ މަގާމު ވެސް ހޯދައިފަ އެވެ. ފައިނަލް މެޗުގައި ވެސް ފަސް ގޯލު ޖެހި އެވެ. އޭގެ ކުރިން އޭނާ ވަނީ މި އުފުރުފުރާގެ ކުލަބު މުބާރާތުގައި ވެލެންސިއާ އަށް ކުޅެދިން އަށް މެޗުގައި 35 ގޯލު ޖަހައިފަ އެވެ.
