އެފްއޭއެމް އިން ދިން ފައިސާއަށް ކްލަބްތަކުގެ އިސްވެރިން ހިޔާނާތްތެރިވި މައްސަލަ ބަލަނީ
11 ޖޫން 2025 | ބުދަ 04:57އެފްއޭއެމްއަށް ބޭރުގެ ފަރާތްތަކުން ލިބޭ އެހީގެ ފައިސާ ނަހަމަ ގޮތުގައި ބޭނުންކޮށް، މަނީ ލޯންޑްރިންގެ އަމަލުތަކެއް ހިންގާފައިވާ ކަމަށް ތުހުމަތުކުރެވޭ މައްސަލައިގެ ތަހުގީގު މިހާރު ވެސް ކުރިއަށްދޭ
އެފްއޭއެމްގެ ހައުސް: ހިޔާނާތުގެ ގިނަ މައްސަލަތަކެއް ފެންމަތިވެ، އެ މައްސަލަތައް ފުލުހުން ދަނީ ބަލަމުން
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)އިން ކްލަބްތަކަށް ދިން ސަބްސިޑީސް އެ ކްލަބްތަކުގެ އިސްވެރިންގެ އަމިއްލަ އެކައުންޓުތަކަށާއި އެ ފަރާތްތައް ހިއްސާވާ ކުންފުނިތަކަށް ޖަމާކޮށް، އެ ފައިސާއަށް ޚިޔާނާތްތެރިވި މައްސަލައެއް ފުލުހުން ބަލަން ފަށައިފިއެވެ.
މިކަން ހާމަކުރީ ފުލުހުން އަންގާރަ ދުވަހު މީޑިއާތަކަށް ހިއްސާކުރި މެސެޖެއްގައެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ވަނީ، އެފްއޭއެމްއަށް ބޭރުގެ ފަރާތްތަކުން ލިބޭ އެހީގެ ފައިސާ ނަހަމަ ގޮތުގައި ބޭނުންކޮށް، މަނީ ލޯންޑްރިންގެ އަމަލުތަކެއް ހިންގާފައިވާ ކަމަށް ތުހުމަތުކުރެވޭ މައްސަލައިގެ ތަހުގީގު މިހާރު ވެސް ކުރިއަށްދާކަމަށެވެ.
މީގެތެރޭގައި، އެފްއޭއެމްގެ ކުރީގެ ރައީސް، ބައްސާމު އަދީލް ޖަލީލް ހިއްސާވާ ކުންފުންޏަކަށާއި، އެފްއޭއެމްގައި އޭރު މަސައްކަތްކުރި ފަރާތްތަކުގެ އެކައުންޓުތަކަށް އެ އެސޯސިއޭޝަންގެ ފައިސާ ޖަމާކޮށް، އެ ފައިސާއަށް ހިޔާނާތްތެރި ވެފައިވާކަމަށް ތުހުމަތުކުރެވޭ މައްސަލަ ވެސް ހިމެނޭކަމަށް ފުލުހުން މީޑިއާތަކަށް ހިއްސާކުރި މެސެޖުގައި ވެއެވެ.
މީގެ އިތުރުން އެ މެސެޖުގައި ވަނީ، ކްލަބްތަކަށް ސަބްސިޑީސް ގެ ގޮތުގައި ދިން ފައިސާއަށް ކްލަބްތަކުގެ ވެރިން ޚިޔާތްނާތްތެރިވި މައްސަލަ ފާހަގަކުރެވުމުން، އެކަން ވެސް ތަހުގީގުކުރަން ފަށާފައިވާކަމަށެވެ.
އެފް.އޭ.އެމްއިން ކްލަބުތަކަށް ދެމުންދާ ސަބްސިޑީސް، އެ ކްލަބުތަކުގެ އިސްވެރިންގެ އަމިއްލަ އެކައުންޓުތަކަށާއި އެ ފަރާތްތައް ހިއްސާވާ ކުންފުނިތަކަށް ޖަމާކޮށް، އެ ފައިސާއަށް ހިޔާނާތްތެރިވެފައިވާކަން ފާހަގަކުރެވި، އެ މައްސަލައިގެ ތަހުގީގުވެސް ކުރިއަށްދާކަން މި ފުރުސަތުގައި ފާހަގަކުރަމެވެ.ޕޮލިސް މީޑިއާ މެސެޖް
ބައްސާމްއަށް ކޮށްފައިވާ ދައުވާތަކުގެ އިތުރުން ޕީޖީ އޮފީހުން ވަނީ ބައްސާމް ހިންގި ހިޔާނާތާ ގުޅިގެން އެފްއޭއެމްއަށް ލިބުނު ގެއްލުމުގެ ބަދަލުގެ ގޮތުގައި ޖުމްލަ 1.2 މިލިއަން އެމެރިކާ ޑޮލަރު ބައްސާމުގެ އަތުން ނަގައިދިނުމަށް ވެސް އެދިފަ އެވެ.
އެފްއޭއެމްގެ ޚިޔާނާތުގެ މައްސަލައިގައި އެ އެސޯސިއޭޝަނުގެ ކުރީގެ ރައީސް، ބައްސާމަށް ދައުވާ ކޮށްދިނުމަށް ޕްރޮސިކިއުޓަރ ޖެނެރަލް (ޕީޖީ)ކުރިން އެދުނެވެ.
އެފްއޭއެމްއިން ކްލަބްތަކަށް ސަބްސިޑީސް ގެ ގޮތުގައި ފައިސާދޭން ފެށީ ކްލަބްތަކުގެ މާލީ ހާލަތު ރަނގަޅުކުރުމުގެ ނަމުގައެވެ. އެފްއޭއެމްއިން މި ސަބްސިޑީސް ދޫކުރަން ފެށީ ސަރުކާރުން ކްލަބްތަކަށް ފައިސާދިނުން ހުއްޓާލިފަހުންނެވެ.
