ފާއިތުވި ހަފްތާގައި މާލެއިން ކޮވިޑް-19 ޖެހުނީ 2 މީހުންނަށް
15 މާރިޗު 2023 | ބުދަ 02:15ރާއްޖެއިން މިހާތަނަށް 185،744 މީހުންނަށް ވަނީ ކޮވިޑް-19 ޖެހިފައި
ކޮވިޑަށް ޓެސްޓުކުރުނީ
ފާއިތުވި ހަފްތާގައި ރާއްޖެއިން ކޮވިޑް-19 ޖެހުނީ 6 މީހުންނަށްކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ހާމަކޮށްފިއެވެ.
އެޗްޕީއޭއިން އާންމުކޮށްފައިވާ ތަފާސްހިސާބުތަކަށް ބަލާއިރު މަރޗް 5ން މަރޗް 11ށް މާލެ ސަރަހައްދުން 2 މީހުންނަށް ކޮވިޑް ޖެހިފައިވެއެވެ. އަދި އެހެނިހެން ހިސާބުތަކުން 4 މީހުންނަށް ކޮވިޑް ޖެހިފައެވެ. ފާއިތުވި ހަފްތާ ގައި އެކަކަށް ހޮސްޕިޓަލްގައި އެޑްމިޓްކޮށްގެން ފަރުވާދީފައިވެއެވެ.
އޭގެކުރީ ހަފްތާގައިވެސް ރާއްޖެއިން ކޮވިޑް-19 ޖެހިފައިވަނީ 6 މީހުންނަށެވެ.
މިއާއެކު ރާއްޖެއިން މިހާތަނަށް 185،744 މީހުންނަށް ވަނީ ކޮވިޑް-19 ޖެހިފައެވެ. އަދި 311 މީހުން ވަނީ މަރުވެފައެވެ.
ވެކްސިންގެ ތަފާސްހިސާބުތަކަށް ބަލާއިރު މާޗް 11 ވަނަ ދުވަހުގެ ނިޔަލަށް ފުރަތަމަ ޑޯޒް 399،251 މީހުން ޖަހާފައިވެއެވެ. ދެވަނަ ޑޯޒް 385،120 މީހުން ޖަހާފައިވާއިރު ބޫސްޓަރ ފުރަތަމަ ޑޯޒް 167،671 މީހުން ވަނީ ޖަހާފައެވެ. އަދި 1540 މީހުން ވަނީ ބޫސްޓަރ ދެވަނަ ޑޯޒް ޖަހާފައެވެ.
