ކ. މާލެ
|
14 މާރޗް 2023 | އަންގާރަ 17:45
ވެމްކޯގެ މެނޭޖިންގ ޑިރެކްޓަރު ޔޫސުފް ސިރާޖު
ވެމްކޯގެ މެނޭޖިންގ ޑިރެކްޓަރު ޔޫސުފް ސިރާޖު
ވެމްކޯ
ކުނި ވަކިކުރުން
ކުނި ވަކިނުކޮށް ގެންދާ އަމިއްލަ ފަރާތްތައް ޖުރިމަނާކުރަނީ
 
މިހާރު ކުނި ވަކިކޮށްގެން ނެރެނީ 10 އިންސައްތަ ގޭބީސީން

ކުނި ވަކިނުކޮށް ކުނި ގެންދާ ޕްރައިވެޓް ކަލެކްޓަރސް ޖޫރިމަނާކުރަން ނިންމައިފިއެވެ.

ހޯމަ ދުވަހު ވެމްކޯއިން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެކުންފުނީގެ މެނޭޖިންގ ޑިރެކްޓަރ ޔޫސުފް ސިރާޖު ވިދާޅުވީ މިދިޔަ އަހަރުގެ މެދުތެރެއިން ފެށިގެން ގޭބީސީތަކުން ނެރޭ ކުނި ވަކިކޮށްގެން ނެރުމަށް އެންގުމާއެކު މިކަމަށް ތަރުޚީބު ދިނީ ގާތްގަނޑަކަށް 15 އާއި 20 އިންސައްތައާ ދެމެދުގެ ގޭބީސީތަކުން ކަމަށެވެ.

ސިރާޖު ވިދާޅުވީ ވެމްކޯގެ އޮޕަރޭޝަންތައް ކުރިއަށްދާގޮތުން ވެމްކޯއިން ކުނި ވަކިކުރާކަމާއިމެދު އާންމުންގެ ފަރާތުން ސުވާލުތައް އަމާޒުވާން ފެށިކަމަށާއި، އަދި އެއާއެކު އާންމުން ކުނި ވަކިކުރާ މިންވަރު މަދުވި ކަމަށެވެ. މިހާރު ކުނި ވަކިކޮށްގެން ނެރެނީ 10 އިންސައްތަ ގޭބީސީން ކަމަށް ސިރާޖު ވިދާޅުވިއެވެ.

މިކަމުގައި އެއްވެސް ކުރިއެރުމެއް ނުލިބޭ. ޚާއްސަކޮށް ޕްރައިވެޓް ކަލެކްޓަރސްގެ ފަރާތުން ގެންނަ ކުނި އެއްވެސް ވަރަކަށް ވަކި ކުރެވިގެންނެއް ނުދޭ.
މެނޭޖިންގ ޑިރެކްޓަރ ޔޫސުފް ސިރާޖު

ސިރާޖު ވިދާޅުވީ ފީ ސްޓްރަކްޗަރ އަށް ގެނެވުނު ބަދަލާއެކު ގަވާއިދާ އެއްގޮތަށް ކުނި ވަކިކޮށްގެން ނުގެންނަ ފަރާތްތައް 1،000 ރުފިޔާގެ ޗާޖެއް ބިލަށް އިތުރުކުރެވިގެންދާނެ ކަމަށެވެ. މި އަދަދުވެސް ސްޓެލްކޯގެ ކަރަންޓު ބިލަށް އިތުރުކުރެވިގެންދާނެ ކަމަށް އޭނާ ވިދާޅުވިއެވެ.

ވެމްކޯއާއި ސްޓެލްކޯ ގުޅިގެން ވަނީ ވެމްކޯގެ ކުނި ބިލު ސްޓެލްކޯގެ ކަރަންޓު ބިލަށް އިތުރުކުރުމަށް ނިންމާފައެވެ. މިގޮތުން އޭޕްރިލް މަހުގެ ކަރަންޓު ބިލު އަންނައިރު ކުނި ބިލަށް އަރާ އަދަދު ކަރަންޓު ބިލަށް އިތުރުކުރެވޭނެ ކަމަށް ސިރާޖު ވިދާޅުވިއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ފާޠިމަތު ޒުހައިރާ
100%
0%
0%
0%
0%
0%
ކޮމެންޓް