ޕޯސްޓް މެދުވެރިކޮށް ރާއްޖެއަށް އެތެރެކުރި، ނުވަ ލައްކަ ރުފިޔާގެ މަސްތުވާތަކެތި އަތުލައިގެންފި
12 މާރިޗު 2023 | އާދީއްތަ 15:31މި ޕެކޭޖަކީ އިނގިރޭސިވިލާތުން ރާއްޖެއަށް އެތެރެކުރި ޕެކޭޖެއް
ފުލުހުން މީގެ ކުރިން އަތުލައިގެންފައިވާ މަސްތުވާ އެއްޗެހިތަކެއް
ޕޯސްޓް މެދުވެރިކޮށް ރާއްޖެ އެތެރެކުރަން އުޅުނު ނުވަ ލައްކަ ރުފިޔާގެ މަސްތުވާތަކެތި އަތުލައިގެންފިއެވެ.
ކަސްޓަމްސްއިން ބުނީ, 520 ގްރާމްގެ މި ތަކެތި އަތުލައިގެންފައިވަނީ މާރޗް މަހުގެ 7 ވަނަ ދުވަހު, ޕޯސްޓް މެދުވެރިކޮށް ރާއްޖެ ގެނެސްފައިވާ ޕެކޭޖްތަކެއް ބަލައިފާސްކުރުމުގެ ތެރޭގައި ކަމަށެވެ.
މި ޕެކޭޖަކީ އިނގިރޭސިވިލާތުން ރާއްޖެ އެތެރެކުރި ޕެކޭޖެއް ކަމަށް ކަސްޓަމްސްއިން ބުނެއެވެ. ފުރަތަމަ މަރުހަލާގައި ކަސްޓަމްސްއިން އެ ތަކެތި ތަހުލީލުކުރިއިރު، އެތަކެތި ވަނީ މަސްތުވާތަކެތީގެ ބާވަތެއް ކަމަށްވާ މެފެޑްރޯންއަށް ޕޮޒިޓިވްވެފައެވެ.
މި މައްސަލަ އިތުރަށް ތަހުގީގުކުރުމަށް އެ ތަކެތި މިހާރު ފުލުހުންނާ ހަވާލުކޮށްފައިވާކަަމަށް ކަސްޓަމްސްއިން ބުނެއެވެ.
