ޑިޖިޓަލް މުސްތަގުބަލަކަށް އަންހެނުންގެ ދައުރު ފުޅާކުރަން ޖެހޭ: ރައީސް
މިންތީގެ ތަފާތުކުރުންތައް ނިމުމަކަށް ގެންނަން ޖެހޭ ކަމަށް ރައީސް ވިދާޅުވި
ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު
ޑިޖިޓަލް މުސްތަގްބަލަކަށް އަންހެނުންގެ ދައުރު ފުޅާކުރަން ޖެހޭ ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ވިދާޅުވެއްޖެއެވެ.
ބައިނަލްއަގުވާމީ އަންހެނުންގެ ދުވަހާއި ގުޅިގެން ރައީސް ކުރެއްވި ޓްވީޓެއްގައި ވިދާޅުވީ ރާއްޖޭގައި ޑިޖިޓަލް މުސްތަގުބަލެއް ބިނާކުރުމަށްޓަކައި އެ ދާއިރާއިން އަންހެނުން ބާރުވެރިކުރުވުން މުހިންމު ކަމަށެވެ. އަދި އަންހެނުންގެ ދުވަހަކީ މުޖުތަމައު ބާރުވެރިކޮށް ހަރުދަނާކުރުމުގައި އަންހެނުން އަދާކުރާ ދައުރު ހަނދާންކުރާ ދުވަހެއް ކަމަށެވެ. ރައީސް އިތުރަށް ވިދާޅުވީ ޑިޖިޓަލް މުސްތަގުބަލެއް ބައްޓަން ކުރުމަށްޓަކައި ޑިޖިޓަލް ދާއިރާގައި ހުރި މިންތީގެ ތަފާތުކުރުންތައް ނިމުމަކަށް ގެންނަން ޖެހޭ ކަމަށެވެ.
ކޮންމެ އަހަރެއްގެވެސް މާޗްމަހުގެ 8ވަނަ ދުވަސް ފާހަގަކުރަމުން ދަނީ ބައިނަލްއަގުވާމީ އަންހެނުންގެ ދުވަހުގެ ގޮތުގައެވެ. މި އަހަރުގެ އަންހެނުންގެ ދުވަހުގެ ޝިއާރަކީ "ޑިޖިޓަލް އޯލް: އިނޮވޭޝަން އެންޑް ޓެކްނޮލޮޖީ ފޯ ޖެންޑާ އިކުއެލިޓީ"އެވެ.
