ބެޓިސް މެޗުގައި ރެއާލުން ދެއްކި ކުޅުމާމެދު އަންޗެލޮޓީ ހިތްނުތަނަވަސްވެފައި

ސްޕެނިޝް ލީގުގައި ރެއާލް ބެޓިސްއާ ދެކޮޅަށް ކުޅުނު މެޗުގައި ރެއާލް މެޑްރިޑުގެ ކުޅުންތެރިން ދެއްކި ކުޅުމާމެދު އެ ޓީމުގެ ކޯޗު ކާލޯ އަންޗެލޮޓީ ހިތްނުތަނަސްވެއްޖެ އެވެ.

ލީގުގައި ބެޓިސްއާ ދެކޮޅަށް ކުޅުނު މެޗުން ރެއާލް ވަނީ މުހިންމު ދެ ޕޮއިންޓު ގެއްލުވާލައިފަ އެވެ. އެއާއެކު ލީގު ތާވަލްގެ އެއް ވަނައިގައި ބާސެލޯނާ އަށް ވަނީ ބޮޑު ލީޑެއް ލިބިފަ އެވެ. މެޗަށްފަހު ވާހަކަ ދައްކަމުން އަންޗެލޮޓީ ބުނީ، މެޗުގައި ރެއާލް ފެނުނީ ކުރީގައި ވަރަށް ބޮޑެތި މައްސަލަތަކަކާއެކު ކަމަށެވެ. އޭނާ ބުނީ ފުރަތަމަ ހާފުގައި ތަންކޮޅެއް ބޮޑަށް ބެޓިސްގެ ޑިފެންސް ފެނުނީ ހުޅުވިފައި އޮއްވާ ކަމަށާއި، އެހާލަތުގައި ލަނޑު ޖަހާނެ ރަނގަޅު ފުރުސަތުތަކެއް ވެސް ލިބުނު ކަމަށެވެ. ނަމަވެސް ފަހުން މެޗުގައި ފެނުނީ ގިނަ ހަމަތާކެއް އުފެއްދުމުގެ ބަދަލުގައި، މާ ބޮޑަށް ކޮއްޓައިގެން ކުޅެން އުޅުނު މަންޒަރު ކަމަށް ވެސް އޭނާ ބުންޏެވެ.

އަންޗެލޮޓީ ބުނީ ރެއާލަށް ވަރަށް ބޮޑު ގެއްލުމެއް ދައްކާނެ ކަމަށާއި، ޚާއްސަކޮށް އެންމެ ފަހުން ކުޅުނު ތިން މެޗުގައި ވެސް ލަނޑެއް ޖެހިފައިނެތްކަން އަންޗެލޮޓީ ފާހަގަ ކުރި އެވެ. އޭނާ ބުނީ ބެޓިސް މެޗުގައި ޔަޤީނުން ވެސް ވަރަށް ރަނގަޅު ތިނެެއް ނުވަތަ ހަތަރު ފުރުސަތެއް ލިބުނު ކަމަށާއި، މެޗުގައި ރެއާލް އެންމެ ރަނގަޅަށް ކުޅުނީ ޑިފެންސްގައި ކަމަށެވެ. އޭނާާ ބުނީ ރެއާލަށް ޑިފެންސްގައި ގޯސްތަކެެއް ހެދުނު ނަމަ، ލަނޑެއް ލިބުމަކީ ވެސް އެކަށީގެންވާ ކަމެއް ކަމަށެވެ. މީގެ އިތުރުން އޭނާ ބުނީ ދެން ވިސްނަން ޖެހޭނީ ކުރިއަށް އޮތް މެޗަށް ކަމަށާއި، ބެޓިސް މެޗުގައި ދިމާވި ކަންކަން ވަރަށް ބޮޑަށް ރަނގަޅު ކުރަން ޖެހޭނެ ކަމަށެވެ.

ރެއާލަށް ދެން އޮތީ މި މަހުގެ 11 ވަނަ ދުވަހު ރަށުން ބޭރުގައި އެސްޕަންޔޯލާ ދެކޮޅަށް ކުޅޭ މެޗެވެ.