އިޓާލިއަން ލީގުގައި ލާޒިއޯއާ ދެކޮޅަށް ކުޅުނު މެޗުން ނަޕޯލީ ބަލިވެއްޖެއެވެ.

މިއީ މި ސީޒަންގައި މޮޅަށް ކުޅެ، ލީގުގެ އެއްވަނާގައި ހިފަހައްޓަމުން އަންނަ ނަޕޯލީ ބަލިވި ދެވަނަ މެޗެވެ. މި ސީޒަންގައި އެންމެ ފުރަތަމަ އެ ޓީމު ބަލިކުރި ފުރަތަމަ ޓީމަކީ އިޓަން މިލާންއެވެ. ލީގުގައި ލާޒިއޯ އަތުން ބަލިވި ނަމަވެސް ނަޕޯލީ އަދިވެސް އެއްވަނާގައި އޮތީ 17 ޕޮއިންޓުގެ ލީޑަކާއެކުއެވެ. ނަޕޯލީގެ އަމިއްލަ ދަނޑުގައި ކުޅުނު މެޗުން އެ ޓީމު ބަލިވީ 1-0ންނެވެ. މެޗު ފަށައިގެންވެސް ލާޒިއޯއިން ވަނީ ލަނޑު ޖަހާނެ ރަނގަޅު ފުރުސަތުތަކެއް ތަނަވަސްކޮށްފައެވެ. މެޗުގައި ނަޕޯލީން ލަނޑު ޖެހުމަށް މަސައްކަތް ކުރަމުން ދަނިކޮށް، ލާޒިއޯއިން ލަނޑު ޖެހީ ނަޕޯލީގެ ޑިފެންސުން ހެދުނު ގޯހަކުންނެވެ. މެޗުގެ 67 ވަނަ މިނެޓުގައި ނަޕޯލީގެ ޑިފެންޑަރު ގޯލު ކުރިމަތިން ޖައްސާލި ބޯޅަ ލިބުނީ ލާޒިއޯގެ މަތިއަސް ވެސީނޯއަށެވެ. އޭނާ ވަނީ އެއް ފަހަރުން ފޮނުވާލި ބާރު ހަމަލާގައި ބޯޅަ ގޯލަށް ވައްދާލާފައެވެ.

މެޗުން މޮޅުވި ލާޒިއޯ އޮތީ ލީގު ތާވަލްގެ ދެވަނަ މަގާމުގައެވެ. އެއީ ކުޅުނު 25 މެޗުން، 48 ޕޮއިންޓާއެކުއެވެ. މެޗުން ބަލިވި ނަޕޯލީ އޮތީ ހަމަ އެ އަދަދަށް މެޗު ކުޅެގެން 65 ޕޮއިންޓާއެކު އެއްވަނާގައެވެ.