ޓޮލީވުޑްއިން ކެޓްރީނާ ނެގީ ޕްރަބާސް އާއި ވިކްރަމް

ބޮލީވުޑްގެ ތަރި ކެޓްރީނާ ކައިފް ޓޮލީވުޑްއިން ނަގާނީ ޕްރަބާސް އާއި ވިކްރަމް ކަމަށް އޭނާ ބުނެފިއެވެ.

ޖުލައި މަހުގެ 14ވަނަ ދުވަހު ނެރޭ "ޖައްގާ ޖާސޫސް" ޕްރޮމޯޓްކުރުމަށް ސައުތު އިންޑިއަން އެވޯޑް ކަމުގައިވާ "ސައިމާ" ގައި ކެޓްރީނާ އާއި ރަންބީރު ވަނީ ބައިވެރިވެފައެވެ.

ޓޮލީވުޑްއިން ނަގާނީ ޕްރަބާސް އާއި ވިކްރަމް ކަމަށް އޭނާ ބުނެފައިވަނީ "ސައިމާ"އެވޯޑްގެ ތެރޭން ކެޓްރީނާ އާއި އޭނާ އެންމެ ބޭނުންވަނީ ސައުތު އިންޑިއާގެ ފިލްމު އިންޑަސްޓްރީން ކޮން އެކްޓަރަކާއެކީ އެކްޓު ކުރަންތޯ އެހުމުންނެވެ. ކެޓްރީނާ ޖަވާބުގައި ބުނީ ބޭނުންވަނީ ޕްރަބާސް އާއި ވިކްރަމް ކަމަށެވެ.

ވިކްރަމަކީ ތަފާތު އެކްޓަރެއް ކަމަށާއި ޕްރަބާސްގެ މޮޅު އެކްޓިން "ބާހުބަލީ" ސީރީސް އިން ފެނިގެން ދިޔަކަމަށް ކެޓްރީނާ ބުންޏެވެ. ކެޓްރީނާ ވަނީ ޓެލުގޫ ދެ ފިލްމެއް މީގެ ކުރިން ކުޅެފައެވެ. އެއީ 2004 ވަނަ އަހަރު ނިކުތް "މަލެސްވާރީ" އާއި 2005 ވަނަ އަހަރު ނިކުތް "ނަންދަމޫރީ ބަލަކްރިޝްނާ" އެވެ.

ޖުލައި 14 ގައި ކެޓްރީނާ އާއި ރަންބީރުގެ "ޖައްގާ ޖާސޫސް" ސިނަމާތަކަށް އަންނައިރު އެދެތަރިން ވަނީ ފިލްމު ޕްރޮމޯޓުގެ މަސައްކަތް ވަރަށްގަދައަށް ފަށާފައެވެ.