ސެންޓްރަލް އެމެރިކާގެ ގައުމެއް ކަމަށްވާ އެލްސެލްވެޑޯގައި ގޭންގު ހަދައިގެން ބޮޑެތި ޖަރީމާތައް ހިންގަމުންގެންދާ އެއްމެން ހައްޔަރުކުރުމަށް ފަށާފައިވާ ޚާއްސަ ޕްރޮގްރާމެއްގެ ދަށުން މިހާރު ހައްޔަރުގައި ތިބި އެންމެން ވަކިން ހަދާފައިވާ ބޮޑުޖަލަކަށް ބަދަލުކޮށްފި އެވެ.
އެލްސެލްވެޑޯގައި މީހުން މެރުމާއި އެހެންވެސް ރާވައިގެން ހިންގާ ބޮޑެތި ޖަރީމާތައް ހިންގުން ވަރަށް ބޮޑަށް އިތުރު ވެފައިވާތީ އެ ގައުމުގައިވަނީ ސްޓޭޓް އޮފް އިމަރޖެންސީ އިއުލާނުކޮށްފައެވެ. އަދި އެ ޤައުމުގެ ރައީސް ނައީބް ބުކޭލޭ ޚާއްސަ އެންގެވުމަކަށް ވަނީ ގޭންގުތަކަށް ނިސްބަތްވާ ފަރާތްތައް ހިފައި ހައްޔަރު ކުރުމަށް ޚާއްސަ މަސައްކަތެއް ފަށާފައެވެ. މިގޮތުން މިހާތަނަށް ދެހާހެއްހާ ގޭންގު މެންބަރުން ވަނީ ޖަލަށް ލާފައެވެ.
ވަކިން ބޮޑު ޖަލެއް ތައްޔާރުކޮށް މިއެންމެން ވަނީ ހޮނިހިރު ދުވަހު އެޖަލަށް ބަދަލު ކުރެވިފައެވެ. އެލްސެލްވެޑޯ ސަރުކާރުން ބުނެފައިވާ ގޮތުގައި މިޖަލަކީ މުސްތަގުބަލުގައި ސާޅީސް ހާހެއްހާ ބޮޑެތި ކުށްވެރިން ބޭތިއްބޭ ގޮތަށް ތައްޔާރުކުރަމުންދާ ޖަލެކެވެ.
