ހޮނިހިރު ދުވަހުގެރޭ މާލޭގައި 3 މާރާމާރީއެއް، އެއްވެސް މީހަކު ހައްޔަރު ނުކުރޭ
ހޮނިހިރު ދުވަހުގެރޭ ހިންގާފައިވަނީ ގްރޫއްޕު މާރާމާތީތަކެއް
ގްރޫއްޕު މާރާމާރީގެ މައްސަލަތައް ފުލުހުން ދަނީ ތަހުގީގުކުރަމުން
ހޮނިހިރު ދުވަހުގެރޭ މާލޭގައި 3 މާރާމާރީއެއް ހިންގައިފިއެވެ.
ފުލުހުން ބުނީ ސައިކަލެއްގައި އައި ހެލްމެޓް އަޅައިގެން ތިބި ބަޔަކު، މުނިޔާމަގު ދި ރިޕަބްލިކް ކެފޭ ތެރެއަށް ވަދެ މާރާމީރީ ހިންގި މައްސަލަ 2024 ޑިސެންބަރު 14 ވަނަ ދުވަހުގެ ރޭ ފުލުހުންނަށް ރިޕޯރޓްކޮށްފައިވާ ކަމަށެވެ.
މީގެ އިތުރުން 06 މީހަކު ސައިކަލްގައި އައިސް, ޝަހީދުކުޑަނެވި ތުއްތުމަނިކު ހިނގުމުގައި ހުންނަ، ކިންޒާ ކެފޭ ކުރިމަތީ ތޫނުހަތިޔާރު ބޭނުންކޮށްގެން މާރާމާރީ ހިންގާފައިވާ މައްސަލަ 2024 ޑިސެމްބަރ 14 ވަނަ ދުވަހުގެ ރޭ ފުލުހުންނަށް ރިޕޯރޓްކޮށްފައިވާ ކަމަށެވެ.
މީގެ އިތުރުން ފިލިގަސްމަގު ނޫރު މިސްކިތް ކައިރީގައި ބަޔަކު މީހުން މާރާމާރީ ހިންގި މައްސަލަ 2024 ޑިސެމްބަރ 14 ވަނަ ދުވަހުގެ ރޭ ފުލުހުންނަށް ރިޕޯރޓްކޮށްފައިވާ ކަމަށެވެ. މި މައްސަލަތައް ފުލުހުން ގެންދަނީ ތަހުގީގު ކުރަމުން ކަމަށް ވެސް ފުލުހުން ބުނެއެވެ.
މީގެ އިތުރުން ފުލުހުން ބުނީ 2024 ޑިސެމްބަރ 12 ވަނަ ދުވަހު ހުށަހެޅުނު ލެޓްސްގޯ ކެފޭއަށް ބަޔަކު ވަދެ ގެއްލުންދިން މައްސަލަ ފުލުހުން ގެންދަނީ ތަހުގީގު ކުރަމުން ކަމަށެވެ. އަދި ތަހުގީގު ކުރިއަށް ދިޔަ މިންވަރަކުން އިތުރު ތަފްސީލް ހާމަކުރަމުން ގެންދާނެ ކަމަށެވެ.
