ހިރިލަންދޫ ކޯޓުގެ އިސްމެޖިސްޓްރޭޓް ކިނބިދޫ ކޯޓުގެ އިސްމެޖިސްޓްރޭޓްކަމަށް
ފަނޑިޔާރުން އަމިއްލައަށް އެދިގެން އެހެން ކޯޓަކަށް ބަދަލުކުރެވޭނެ
ޖުޑީޝަލް ސަރވިސް ކޮމިޝަން
ހިރިލަންދޫ މެޖިސްޓްރޭޓް ކޯޓުގެ އިސް މެޖިސްޓްރޭޓް އަލްއުސްތާޛު ޢަބްދުﷲ ޙުސައިން ކިނބިދޫ މެޖިސްޓްރޭޓް ކޯޓުގެ އިސް މެޖިސްޓްރޭޓްކަމަށް ބަދަލުކޮށްފިއެވެ.
ޖޭއެސްސީން މައުލޫމާތު ދޭ ގޮތުގައި މި ބަދަލު ގެނެސްފައިވަނީ ހިރިލަންދޫ މެޖިސްޓްރޭޓް ކޯޓުގެ އިސްމެޖިސްޓްރޭޓްގެ އެދިލެއްވުމުގެ މަތިންނެވެ.
އެއީ ފަނޑިޔާރުން އަމިއްލައަށް އެދިގެން މަސައްކަތް ކުރަމުންއައި ކޯޓާ އެއް ދަރަޖައެއްގެ އެހެން ކޯޓަކަށް ބަދަލުކުރުމުގައި ޢަމަލުކުރާނެ ގޮތުގެ ގަވާއިދުގެ ދަށުންނެވެ.
ވުމާއެކު، 2023 ފެބުރުވަރީ 22 ވަނަ ދުވަހުން ފެށިގެން، ތ.ހިރިލަންދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު ޢަބްދުﷲ ޙުސައިން، ތ.ކިނބިދޫ މެޖިސްޓްރޭޓް ކޯޓުގެ އިސްމެޖިސްޓްރޭޓްގެ މަޤާމަށް ބަދަލުކުރުމަށް ވަނީ ނިންމާފައެވެ.
