އަދާލަތު ޕާޓީން އެމްޑީޕީއާ ބައްދަލުކުރުން: ކަންބޮޑުވުންތަކާއި ގޮންޖެހުންތައް ހިއްސާކޮށްފި
އުންމީދުކުރަނީ ވަރަށް އަވަހަށް މަޝްވަރާތައް ނިންމާލެވޭނެ ކަމަށް
ނަފްރަތުގެ އަމަލުތަކާ ގުޅޭގޮތުން ޤާނޫނުލްޢުޤޫބާތަށް އިސްލާހު ގެނައުމަށް ހުށަހަޅާފައިވާ ބިލާ ގުޅޭގޮތުން އަދާލަތު ޕާޓީން ރައީސާއި ބައްދަލުކުރެއްވުން
އެމްޑީޕީގެ ރިޔާސީ ކެންޑިޑޭޓް އަދި ރައީސުލްޖުމްހޫރިއްޔާ އިބްރާހީމް މުހައްމަދު ސާލިޙުގެ ދައުވަތަށް، އެޕާޓީއާއެކު މަޝްވަރާކުރުމަށް ޢަދާލަތު ޕާޓިގެ މަޝްވަރާ މަޖިލީހުން ނިންމާފައިވާތީ، ކުރިޔަށް އޮތް ރިޔާސީ އިންތިޚާބުގައި އެމްޑީޕީގެ ކެންޑިޑޭޓަށް ތާއީދުކުރުމާ ގުޅޭގޮތުން އެމްޑީޕީއާއެކު އަދާލަތުން ޕާޓީން މަޝްވަރާ ކޮށްފިއެވެ.
އަދާލަތު ޕާޓީގެ ސްޕޯކްސްމަން އަލީ ނަޒީރު ރާއްޖެއެމްވީއަށް ވިދާޅުވީ މި މަޝްވަރާ ބައްދަލުުވުމުގައި އެޕާޓީން އެދޭކަންކަން ހުށަހަޅާފައިވާނެ ކަމަށެވެ. އަދި މި 5 އަހަރުގެ ދައުރުގައި ހުރި ކަންބޮޑުވުންތަކާއި ގޮންޖެހުންތައް ވެސް ހިއްސާކޮށްފައިވާނެ ކަމަށެވެ.
ހިނގަމުންދާ މަޝްވަރާއަކަށްވުމުން އަދާލަތު ޕާޓީން ހުށަހެޅި ކަންބޮޑުވުންތައް ހާމަކުރެވެން ނެތް ކަމަށް ވެސް ނަޒީރު ވިދާޅުވިއެވެ.
މަޝްވަރާތައް ކުރިއަށްދިޔައީ ފަހި މާހައުލެއްގައިކަން ފާހަގަކުރައްވާ ނަޒީރު ވިދާޅުވީ އެއްބަސްވުމަކަށް އާދެވުމަށްޓަައި އިތުރަށް މަޝްވަރާ ކުރަންޖެހޭ ކަންތައްތައް އެބަހުރި ކަމަށެވެ. ނަޒީރު ވިދާޅުވީ އުންމީދުކުރަނީ ވަރަށް އަވަހަށް މަޝްވަރާތައް ނިންމާލެވޭނެ ކަމަށެވެ.
