ލަންކާގައި ކަރަންޓުގެ އަގު ބޮޑުކޮށްފި
16 ފެބުރުއަރީ 2023 | ބުރާސްފަތި 16:11ކަރަންޓްގެ އަގު ބޮޑުކޮށްފައިވަނީ 66 އިންސައްތައަށް
ތެލުގެ ދިގު ކިއުތަކުން ލަންކާގެ ދިގު ލައިގެން ދިޔައިރު
ސްރީލަންކާގައި ކަރަންޓުގެ އަގު ބޮޑުކޮށްފިއެވެ.
ބުރާސްފަތި ދުވަހު ކަރަންޓްގެ އަގު ބޮޑުކޮށްފައިވަނީ 66 އިންސައްތައަށެވެ.
ކަރަންޓްގެ އަގުބޮޑުވިކަން އިއުލާންކޮށްފައިވަނީ އެ ގައުމުގެ ޕަވަރ އެންޑް އެނަރޖީ މިނިސްޓަރު ކަންޗަނާއެވެ.
ސްރީލަންކާއަށް 2.9 ބިލިއަން ޑޮލަރުގެ ލޯނު އެހީ ފޯރުކޮށްދިނުމަށް އިންޓަރނޭޝަނަލް މަނިޓަރީ ފަންޑް (އައިއެމްއެފް)ން ވަނީ އެއްބަސްވެފައެވެ.
އައިއެމްއެފްއިން ލަންކާއަށް ފޯރުކޮށްދިނުމަށް މަޝްވަރާކުރަމުންދާ ޕްރޮގްރާމަކީ ހަތަރު އަހަރަށް ބަހާލައިގެން ފޯރުކޮށްދެވޭ އެހީއެކެވެ. މިއެހީގެ ދަށުން ސަރުކާރުގެ އާމްދަނީ އިތުރުކޮށް ފިސްކަލް ކޮންސޮލިޑޭޝަނަށް ބާރުއެޅުމަށް ވަނީ އަމާޒުހިފާފައެވެ. އަދި ތެލާއި ކަރަންޓަށް އައު އަގުތައް ކަނޑައެޅުމަކީ މި އެހީގެ ދަށުން އަމާޒުހިފާފައިވާ ކަމެކެވެ.
