ފިރިހެނަކާއި ކުޑަކުއްޖަކު ތިބި ޑިންގީއެއް އޮޔާ ދަނިކޮށް ސަލާމަތްކޮށްފި
11 ފެބުރުއަރީ 2023 | ހޮނިހިރު 16:59މި ހާދިސާގެ ރިޕޯޓް އެމްއެންޑީއެފް ސެންޓްރަލް އޭރިއާ ކޯސްޓްގާޑް ތަރޑް ސްކޮޑްރަންއަށް ލިބުނީ ހޮނިހިރު ދުވަހުގެ މެންދުރު 12:50 ހާއިރު
ޑިންގީގައި ތިބި މީހުން ސަލާމަތްކުރަނީ
ލ. ގަމު ހުޅަނގު ފަރާތަށް މަސްވެރިކަމަށް ނުކުމެ އުޅުނު ޑިންގީއެއްގެ އިންޖީނު ހުއްޓިގެން އޮޔާދާތީ، އެމްއެންޑީއެފް ސެންޓްރަލް އޭރިއާ ކޯސްޓްގާޑް ތަރޑް ސްކޮޑްރަންއިން އެހީތެރިކަން ފޯރުކޮށްދީފިއެވެ.
މި ހާދިސާގެ ރިޕޯޓް އެމްއެންޑީއެފް ސެންޓްރަލް އޭރިއާ ކޯސްޓްގާޑް ތަރޑް ސްކޮޑްރަންއަށް ލިބުނީ ހޮނިހިރު ދުވަހުގެ މެންދުރު 12:50 ހާއިރުއެވެ. ހާދިސާގެ މައުލޫމާތު ލިބުމާއެކު އެމްއެންޑީއެފް ސެންޓްރަލް އޭރިއާ ކޯސްޓްގާޑް ތަރޑް ސްކޮޑްރަންގެ ސިފައިން އެ ސަރަހައްދަށް ގޮސް، އެ ޑިންގީއަށް ވަނީ އެހީތެރިކަން ފޯރުކޮށްދީފައެވެ. މިގޮތުން ފިރިހެނަކާއި ކުޑަކުއްޖަކު ތިބި މި ޑިންގީ ވަނީ ލ. ގަމު މުކުރިމަގު އަވަށު ބަނދަރަށް ވައްދާފައެވެ.
މި ޑީންގީގައި ދަތުރުކުރި ފިރިހެންމީހާއާއި ކުޑަކުއްޖާގެ ހާލު ރަނގަޅުކަމަށް އެމްއެންޑީއެފުން ބުނެއެވެ.
