ފެބުރުއަރީ 6 ވަނަ ދުވަހު، ތުރުކީވިލާތާއި ސޫރިޔާގެ ބޯޑަރު ސަރަހައްދަށް އައި ބާރުގަދަ ބިންހެލުމުގައި ބޮޑު ސަރަހައްދެއް މުޅިންހެން ބިމާ ހަމަވެފައި ވާއިރު، ސޫރިޔާއިން ވެއްޓުނު ގެތަކުގެ ދަށުން ފުރާނަ ސަލާމަތްވި އެކަކީ، އުމުރުން އެންމެ 18 މަހުގެ ރަޣަދު އިސްމާއީލެވެ.
ސޫރިޔާގައި އޭނާގެ އާއިލާއާއެކު ދިރިއުޅެމުން ދިޔަ ގެ ބިމާ ހަމަވެގެންދިޔަ ބިންހެލުމުގެ ހާދިސާގައި (ރަޣަދުގެ މަންމަވެސް ހިމެނޭހެން) އެ އާއިލާގެ ގިނަ އަދަދެއްގެ މެންބަރުން ވަނީ މި ދުނިޔެ ދޫކޮށްފައެވެ.
ސީލިންގ ވެއްޓުނީ ސީދާ 2 ވަނަ އާއިލާގެ ގައިމައްޗަށް. ބައްޕައާއި އޭނާގެ ދޮޅު އަހަރުގެ ދަރިފުޅުގެ ހާލު ސްޓޭބަލް. ބައްޕަގެ މައިބަދަ ބިނދިފަހެން ހީވަނީ. އޭނަގެ ހަގު އަންހެން ދަރިފުޅު، ރަޣަދުގެ ހާލު ރަނގަޅު. ފިރިހެން މީހާގެ މާބަނޑު އަނބިމީހާއާ 5 އަހަރުގެ އަންހެން ދަރިފުޅާ 4 އަހަރުގެ ފިރިހެން ދަރިފުޅު މަރުވީ.އަބޫ ހުސާމް؛ ރަޣަދުގެ ބޮޑުބޭބެ
ފެބުރުއަރީ 6 ވަނަ ދުވަހަށް އަލިވިލެނިކޮށް، މީހުން ސަލާމަތް ކުރުމުގެ މަސައްކަތުގައި އުޅުނު މީހެއްގެ އުރުގައި އޮވެގެން، ވެއްޓިފައި ވާ އިމާރާތުގެ ބައިތަކުގެ ތެރެއިން ރަޣަދު ނުކުމެގެން އައިއިރު، އެ ތުއްތު ތުއްތު ކުއްޖާގެ ހަށިގަނޑުގައި ބޮޑު ޒަޚަމެއް ނެތެވެ. އޭނާއާ ހަވާލުވީ އޭނާގެ ބޮޑުބޭބެއެކެވެ.
ބޮޑުބޭބެ ބުނިގޮތުގައި ރަޣަދްގެ އެއްބަނޑު އެއްބަފާ 2 ކުދިންނާއި މަންމަވެސް ވަނީ މަރުވެފައެވެ. މަންމަ މަރުވިއިރު ބަނޑުވެސް ބޮޑެވެ.
މީ އަހަރުމެންގެ އަވައްޓެރިން. ކުޑަ ކުއްޖަކާ، އޭނާގެ އެއްބަނޑުއެއްބަފާ ފިރިހެން ކުއްޖަކާ މަންމަ ވަނީ މަރުވެފަ. ކުޑަ ކޮއްކޮ، ރަޣަދު ހޮސްޕިޓަލަށް ގެންދިޔައީ. މީހުން ސަލާމަތްކުރުމުގެ އޮޕަރޭޝަން 2 ގަޑިއިރަށް ކުރިއަށް ގެންދިޔަ. ވެއްޓިފަ ހުރި އިމާރާތުގެ ބައިތަކުގެ ދަށުން އަވައްޓެރިން ނެރެވެންދެން އޮޕަރޭޝަން ކުރިއަށް ގެންދިޔަ.ަރަޣަދުގެ އަވައްޓެރިއެއް
ގަދަ ފިނިން ސަލާމަތްވުމަށް ހީޓަރު ޖައްސާފައިވާ ސަރަހައްދުގައި ބިންމަތީގައި އިށީނދެލައިގެން އިން ރަޣަދް ކޭހާވެސް އެއްޗަކީ ޕާންކޮޅެކެވެ. ބެލެވޭ ގޮތުގައި ރަޣަދުގެ ބައްޕަގެ މައިބަދަ ވަނީ ބިނދިފައެވެ.
ފަތިހު 4 ޖަހާ އެހާކަންހާއިރު އައި ބިން ހެލުމާއެކު، 2 އާއިލާއެއްގެ ގައިމައްޗަށް ސީލިންގ ވެއްޓުނީ. މަންމައަކާ 3 ދަރިންގެ އާއިލާއެއް ސަލާމަތްވި. އަހަރުމެންނަށް އެމީހުން ސަލާމަތް ކުރެވުނު. ﷲށް ހަމްދުހުރި.އަބޫ ހުސާމް؛ ރަޣަދުގެ ބޮޑުބޭބެ
ރަޣަދުގެ އާއިލާއަކީ ސޫރިޔާގެ 11 އަހަރުވީ ދާޚިލީ ހަނގުރާމައިގެ ތެރޭގައި އަމިއްލަ ގެދޮރު ގެއްލުނު މީހުންގެ ތެރެއިން، ތުރުކީ ބޯޑަރު ސަރަހައްދަށް ބަދަލުވި އާއިލާއެކެވެ.
