މިސްރުގައި ބޭއްވި ޤުރުއާން މުބާރާތުގައި ރާއްޖެ ތަމްސީލު ކުރި ޝާޔާ ދެވަނަ ހާސިލްކޮށްފި
ޝާޔާ ދެވަނަ ހާސިލްކޮށްފައިވަނީ 99.45 މާކްސްއާއެކު
އިދުހާމް ނަޢީމް | 6 ފެބުރުއަރީ 2023 | ހޯމަ 02:45
ޝާޔާ
މިސްރުގައި ބޭއްވި ކީރިތި ޤުރްއާން ކިޔެވުމުގެ 29 ވަނަ "އިންޓަރނޭޝަނަލް ކޮންޓެސްޓް ފޮރ ރިސައިޓަރސް އޮފް ދަ ހޮލީ ޤުރްއާން، އިޖިޕްޓް" މުބާރާތުގައި ދިވެހިރާއްޖެ ތަމްސީލުކުރި ފާޠިމަތު ޝާޔާ ޒާހިރު، އެ މުބާރާތުން ދެވަނަ ޙާޞިލުކޮށްފިއެވެ.
އެކި ޤައުމުތަކުން ބައިވެރިވި މި މުބާރާތުން ޝާޔާ ދެވަނަ ހާސިލްކޮށްފައިވަނީ 99.45 މާކްސްއާއެކުގައެވެ.
ޝާޔާ ހޯދި މި ކާމިޔާބީއަށް 150،000 އިޖިޕްޓް ޕައުންޑްގެ މާލީ އިނާމެއް ދެވޭނެކަމަށް މިސްރުގެ އައުޤާފް މިނިސްޓްރީން ވަނީ ހާމަކޮށްފައެވެ.
މި މުބާރާތުން އެއްވަނަ ހާސިލުކޮށްފައިވަނީ ގާނާއިންނެވެ. އަދި ދިވެހިރާއްޖެއިން ދެވަނަ ހާސިލުކޮށްފައިވާއިރު ތިންވަނަ ހާސިލުކުރީ ބަންގްލަދޭޝުންނެވެ.
