މާލޭގައި މިރޭ ހަވާ އަރުވަނީ
4 ފެބުރުއަރީ 2023 | ހޮނިހިރު 14:33މިރޭ 21:30 އިން ފެށިގެން 3 މިނެޓުގެ ވަގުތަކަށް ހަވާއެރުވުން ކުރިއަށްދާނެ
އާއިޝަތު ޝިއުރާ | 4 ފެބުރުއަރީ 2023 | ހޮނިހިރު 14:33
މާލޭގައި ކުރިން ހަވާ އެރުވި ފަހަރެއް
މާލޭގައި މިރޭ ހަވާ އަރުވަން ހަމަޖެހިފައިވާކަމަށް އެމްއެންޑީއެފުން ބުނެފިއެވެ.
ހަވާ އެރުވުމަށް ހަމަޖެހިފައިވަނީ ސޯލްޓް ރެސްޓޯރެންޓާއި ދިމާލުން މޫދާވީ ސަރަހައްދުގައެވެ. އެގޮތުން މިރޭ 21:30 އިން ފެށިގެން 3 މިނެޓުގެ ވަގުތަށް ހަވާއެރުވުން ކުރިއަށްދާނެކަމަށް އެމްއެންޑީއެފުން ބުނެއެވެ.
މިއީ އަމިއްލަ ފަރާތެއްގެ އިވެންޓަކާގުޅިގެން ކުރިއަށްގެންދާ ހަރަކާތެކެވެ. އެމްއެންޑީއެފުން މީގެކުރިންވެސް އަމިއްލަ ފަރާތްތަކުން ބާއްވާ ތަފާތު ހަފްލާތަކުގައި މާލެއާއި ބައެއް ރަށްރަށުގައި ހަވާ އަރުވައިދެއެވެ.
