އެމްޑީޕީ ޕްރައިމަރީ: އިސްކަންދަރު ސުކޫލުގައި ހަމަނުޖެހުން ހިންގި މީހުން ޝަރުުތުތަކާއެކު ދޫކޮށްލައިފި
އެމީހުން ހައްޔަރު ކުރީ ހޮނިހިރު ދުވަހު އިސްކަންދަރު ސުކޫލު ހޯލު ތެރެއިން
އިސްކަންދަރު ސުކޫލުގައި ހަމަނުޖެހުން ހިންގި މީހުން ހައްޔަރުކުރުން
އެމްޑީޕީ ރިޔާސީ އިންތިޚާބުގެ ޕްރައިމަރީގެ ވޯޓު ގުނުން ކުރިއަށް ދިޔަ ވަގުތު އިސްކަންދަރު ސުކޫލުގައި ހަމަނުޖެހުން ހިންގި މީހުން ޝަރުުތުތަކާއެކު ދޫކޮށްލައިފިއެވެ.
އެމީހުން ހައްޔަރު ކުރީ ހޮނިހިރު ދުވަހު އިސްކަންދަރު ސުކޫލު ހޯލު ތެރެއިންނެވެ. އެއީ ދިވެހި 2 ފިރިހެނުންނެވެ.
އެމީހުން ހައްޔަރުކުރީ ވޯޓު ގުނަން ތައްޔާރުވަނިކޮށް ވޯޓު ކަރުދާސްތަކަށް ގެއްލުން ދިނުމަށް މަސައްކަތް ކުރަން އުޅުމުންނެވެ. އެވަގުތު އެތަނުގައި ގިނަ އަދަދެއްގެ އެސްއޯ ފުލުހުންވެސް ތިއްބެވެ. އޭރު ގުނުމަށް ތައްޔާރުވަމުން ދިޔައީ ޅ އަތޮޅުގެ މާލޭގައި ބެހެއްޓިފައިވާ ދެ ވޯޓު ފޮށިން އެއް ފޮއްޓެވެ.
ފުލުހުންގެ މީޑިއާ އޮފިޝަލު ވިދާޅުވީ، މުދަލަށް ގެއްލުން ދިން މައްސަލައަކާއި ގުޅިގެން އިސްކަންދަރު ސުކޫލު ސަރަޙައްދުން ފުލުހުންގެ ބެލުމުގެ ދަށަށް ގެންދިޔަ ދެ މީހުން ކޯޓަށް ގެންދިއުމުން ޝަރުތުތަކާއެކު ބަންދުން ދޫކޮށްލާފައިވާ ކަމަށެވެ.
ޅ އަތޮޅުގެ މާލޭގައި ބެހެއްޓިފައިވާ ދެ ވޯޓު ފޮށީގެ ނަތީޖާއަށް ބަލާއިރު، ރައީސް ނަޝީދަށް ލިބިވަޑައިގެންފައިވަނީ ޖުމުލަ 89 ވޯޓެވެ. ރައީސް ސާލިޙަށް ލިބިވަޑައިގެންފައިވަނީ 395 ވޯޓެވެ.
