އިންޑިއާގެ ފަންނާނުންނާއި ދިވެހި ފަންނާނުންގެ ފުޓްބޯޅަ މެޗެއް ހުކުރު ދުވަހު
26 ޖެނުއަރީ 2023 | ބުރާސްފަތި 10:40މެޗުގައި ބައިވެރިވާ އިންޑިއާގެ މަޝްހޫރު ފަންނާނުންގެ ތެރޭގައި؛ އަފްތާބް ޝިވްދާސާނީ، ޝަރުމަން ޖޯޝީ އަދި ރޯހިތު ބޯސް ރޯއީ ހިމެނޭ
އިންޑިއާގެ ފަންނާނުންނާއި ދިވެހި ފަންނާނުންގެ މެޗު
މުނިފޫހިފިލުމުގެ ދާއިރާގައި ހަރަކާތްތެރިވާ އިންޑިއާގެ ބޮލީވުޑް ފަންނާނުންނާއި ދިވެހި ފަންނާނުން ގުޅިގެން ފުޓުބޯޅަ މެޗެއް ކުޅުމަށް ހަމަޖެހިއްޖެއެވެ.
މި މެޗު ކުޅުމަށް ހަމަޖެހިފައިވަނީ ހުކުރު ދުވަހުގެ ރޭ ގަލޮޅު ރަސްމީ ދަނޑުގައެވެ. މި މެޗުގައި ވާދަކުރާނީ ރާއްޖޭގެ މުނިފޫހިފިލުވުމުގެ ދާއިރާގައި ހަރަކާތްތެރިވާ ފަރާތްތަކުގެ ޓީމަކާއި، އިންޑިއާގެ ބޮލީވުޑްގައި ހަރަކާތްތެެރިވާ ފަރާތްތަކުގެ ޓީމެކެވެ. މެޗު އޮންނާނީ 27 ޖެނުވަރީ ވާ ހުކުރު ދުވަހު ގަލޮޅު ދަނޑުގައެވެ. މި މެޗުގައި ބައިވެރިވާ އިންޑިއާގެ މަޝްހޫރު ފަންނާނުންގެ ތެރޭގައި; އަފްތާބް ޝިވްދާސާނީ، ޝަރުމަން ޖޯޝީ އަދި ރޯހިތު ބޯސް ރޯއީ ހިމެނެއެވެ. މި މެޗުގައި ބައިވެރިވާ ދިވެހި ފަންނާނުންގެ ތެރޭގައި މަޝްހޫރު ނެށުންތެރިޔާ ޖާދުﷲ އިސްމާއީލް، ކޮމީޑިއަންނުން ކަމުގައިވާ ނަޒީރު ޝިހާމް (ކާއްޓޭ) އަދި ރެފްރީއެއްގެ ގޮތުގައި ހުސެން ސާދު (މަޓޭ) ވެސް ބައިވެރިވާނެއެވެ.
މި މެޗުގެ ޚާއްސަ މެހެމާނެއްގެ ގޮތުން މިސް ޔުނިވަރސް އިންޑިއާގެ މަގާމު ދެ ފަހަރު ހޯދާފައިވާ އެކްޓްރެސް އުރުވަޝީ ރައުޓެލާ ރާއްޖެ އައުމައް ހަމަޖެހިފައިވެއެވެ. މެޗު އިންތިޒާމު ކުރުމުގައި ހަރަކާތްތެރިވަނީ އިންޑިއާގެ އިވެންޓް މެނޭޖްމަންޓްގައި ހަރަކާތްތެރިވާ ޓުއަރނިވަލް ކުންފުންޏެވެ. މި މެޗުގެ ޓިކެޓު ގަލޮޅު ރަސްމީ ދަނޑުގެ ކައުންޓަރުން މިހާރު ދަނީ ވިއްކަމުންނެވެ.
