ވިލިނގިލި އަލަށް އާބާދުވި ސަރަަހައްދާއި ހިއްކި ބިމުގައި ނަރުދަމާ ގާއިމްކުރަން ހަވާލުކޮށްފި
25 ޖެނުއަރީ 2023 | ބުދަ 14:10މިއީ ދައުލަތުގެ ބަޖެޓުން 43،887،261.94 ހަރަދުކޮށްގެން ކުރިއަށް ގެންދާ މަޝްރޫއެއް
ވިލިނގިލި އަލަށް އާބާދުވި ސަރަަހައްދާއި ހިއްކި ބިމުގައި ނަރުދަމާ ގާއިމްކުރަން ފެނަކައާއި ހަވާލުކުރުމުގެ ރަސްމިއްޔާތުގެ ތެރެއިން
ގއ.ވިލިނގިލި އަލަށް އާބާދުވި ސަރަހައްދާއި ހިއްކި ބިމުގައި ނަރުދަމާ ނިޒާމް ގާއިމް ކުރުމަށް ފެނަކަ ކޯޕަރޭޝަނާއި ހަވާލުކޮށްފިއެވެ.
މި ކޮންޓްރެކްޓްގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫޤުއެވެ. ފެނަކަ ކޯޕަރޭޝަން ލިމިޓެޑް ގެ ފަރާތުން ސޮއި ކުރެއްވީ މެނޭޖިންގ ޑިރެކްޓަރ އަހުމަދު ސައީދު މުހައްމަދުއެވެ.
މިއީ ދައުލަތުގެ ބަޖެޓުން 43،887،261.94 ހަރަދުކޮށްގެން ކުރިއަށް ގެންދާ މަޝްރޫއެކެވެ. މި ކޮންޓްރެކްޓްގެ މުއްދަތަކީ 480 ދުވަހެވެ. މި މަޝްރޫޢުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކުގެ ތެރޭގައި ގއ.ވިލިނގިލި އަލަށް އާބާދުވި ސަރަހައްދު އަދި ހިއްކި ބިމުގައި ނަރުދަމާ ހޮޅި އެޅުމާއި، ޕަންޕް ސްޓޭޝަން ބެހެއްޓުމާއި، ނަރުދަމާ ޖަންކްޝަން ބެހެއްޓުމާއި އަދި ސީ އައުޓްފޯލް އެއް އެޅުން ހިމެނެއެވެ.
