ރައީސް ސާލިޙު ޗައިނާގެ އައު އަހަރުގެ ތަހުނިޔާ ވިދާޅުވެއްޖެ
3 އަހަރުގެ މެދުކެނޑުމަކަށްފަހު ޗައިނާ ފަތުރުވެރިންވެސް ރާއްޖެ އަންނަން ވަނީ ފަށާފައި
ރައީސުލްޖުމްހުރިއްޔާ އިބްރާހިމް މުހައްމަދު ޞާލިހު
ރައީސުލްޖުމްހޫރިއްޔާ އިބްރާހިމް މުޙައްމަދު ސާލިޙު ޗައިނާގެ އައު އަހަރުގެ ތަހުނިޔާ ދަންނަވައިފިއެވެ.
އާދިއްތަ ދުވަހު އެމަނިކުފާނު ކުރެއްވި ޓްވީޓެއްގައި އެމަނިކުފާނު ވިދާޅުވީ، ޗައިނާގެ އައު އަހަރު ޗައިނާ ސަރުކާރާއި އެންމެހާ ރައްޔިތުންނަށްވެސް އަމާންކަމާއި އުފާ ފާޤަތިކަމަށް އެދިވަޑައިގަންނަވާ ކަމަށެވެ.
މި ފެށޭ އައު އަހަރަކީ ރާއްޖެއާއި ޗައިނާއާ ދެމެދު އޮތް ބަދަހި ގުޅުން މިހާރަށްވުރެ އިތުރަށް ބަދަހިވެގެންދާނެ އަހަރަކަށް ވުމަކީ އެމަނިކުފާނުގެ އުއްމީދެއްކަމަށް ރައީސް ސާލިޙު ވިދާޅުވިއެވެ.
ރައީސް މިހެން ވިދާޅުވެފައިވާއިރު، 3 އަހަރުގެ މެދުކެނޑުމަކަށްފަހު ޗައިނާ ފަތުރުވެރިންވެސް ރާއްޖެ އަންނަން ވަނީ ފަށާފައެވެ. އެގޮތުން 2020 ވަނަ އަހަރަށްފަހު ޗައިނާގެ ފަތުރުވެރިން ގޮވައިގެން ރާއްޖެއަށް ދަތުރުކުރި ފުރަތަމަ ފްލައިޓް ބުދަ ދުވަހު ވަނީ ރާއްޖެ އައިސްފައެވެ.
ޗައިނާ މާކެޓަކީ 2020 ވަނަ އަހަރުގެ ކުރިން ރާއްޖޭގެ އެރައިވަލް ޗާޓްތަކުގެ އެއްވަނައިގައި އޮތް ގައުމުވެ.
