ޗެލްސީއާއި ލިވަޕޫލް އެއްވަރު

އިނގިރޭސި ޕްރިމިއަރ ލީގުގައި ލިވަޕޫލާއި ޗެލްސީ ވާދަކުރި މެޗު ލަނޑެއް ނުޖެހި އެއްވަރުވެއްޖެއެވެ.

ލިވަޕޫލްގެ ދަނޑުގައި ކުޅުނު މެޗުގެ މިނަތީޖާއަކީ ދެޓީމަށްވެސް މާޔޫސް ނަތީޖާއެެކެވެ. އެއީ ލީގު ތާވަލްގައި ދެޓީމްވެސް އޮތް މަގާމްގެ ގޮތުންނެވެ. ލިވަޕޫލް އޮތީ 29 ޕޮއިންޓާއެކު އަށް ވަނައިގައެވެ. ޗެލްސީ އޮތީ 29 ޕޮއިންޓާއެކު 10 ވަނައިގައެވެ, ދެޓީމްގެ މެދުގައި އޮތީ 29 ޕޮއިންޓާއެކު ބްރެންޓްފޯޑެވެ. ތިން ޓީމްގެ ފަރަގަކީ ގޯލެވެ.

މެޗުގައި ޗެލްސީން ލިވަޕޫލް ކޮޅަށް ގޯލެއް ޖެހިއެވެ. ނަމަވެސް ކައި ހަވާޓްޒް ޖެހި ގޯލް އޮފްސައިޑްކަމަށް ނިންމީ ވީއޭއާރުން ބެލުމަށްފަހުއެވެ. ދާދިފަހުން ލިވަޕޫލާ ގުޅުނު ކޯޑީ ގަކްޕޯއަށްވެސް މެޗުގައި މާބޮޑު ކަމެއް ނުކުރެވުނެވެ. އޭނާ ފޮނުވާލި ދެބޯޅައެއް ގޯލާ އަމާޒުނުވެ ދިޔައެވެ. ޗެލްސީން އެންމެ ފަހުން ޓީމަށް ގެނައި ޔުކްރެއިންގެ މިކައިލޯ މުޑްރިކަށް މެޗުގެ ދެވަނަ ހާފްގައި ފުރުޞަތު ދިނެވެ.

ލީގުގައި ނޮޓިންގހަމް ފޮރެސްޓާއި ބޯންމައުތު ވާދަކުރި މެޗު ނިމުނީ 1-1 ން އެއްވަރުވެގެންނެވެ. ލެސްޓަރ ސިޓީއާއި ބްރައިޓަން ވާދަކުރި މެޗު ނިމުނީ 2-2 ން އެއްވަރުވެގެންނެވެ. އެސްޓަން ވިލާއިން 1-0 ން ސައުތްހެމްޓަން ބަލިކުރިއެވެ. އަދި ވެސްޓްހޭމް ވަނީ 2-0 ން އެވަޓަން ބަލިކޮށްފައެވެ.