ތަކަންދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބޭއްވި ބައި-އިލެކްޝަންގެ ވަގުތީ ނަތީޖާ އިއުލާނުކޮށްފި
21 ޖެނުއަރީ 2023 | ހޮނިހިރު 15:27މި އިންތިޚާބު ބާއްވާފައިވަނީ ހޮނިހިރު ދުވަހު
އިލެކްޝަންސް ކޮމިޝަން
ހއ. ތަކަންދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބޭއްވި ބައި-އިލެކްޝަންގެ ވަގުތީ ނަތީޖާ އިލެކްޝަންސް ކޮމިޝަނުން އިއުލާނުކޮށްފިއެވެ.
މި އިންތިޚާބު ބާއްވާފައިވަނީ ހޮނިހިރު ދުވަހުއެވެ.
ހއ. ތަކަންދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބޭއްވި ބައި-އިލެކްޝަންގައި ދެ ކެނޑިޑޭޓަކު ވާދަކޮށްފައިވެއެވެ. އެއީ އަމިއްލަ ގޮތުން ވާދަ ކުރި ކެނޑިޑޭޓެއްކަމަށްވާ ފަހީމާ މުޙައްމަދުއާއި، މޯލްޑިވިއަން ޑިމޮކްރަޓިކް ޕާޓީ (އެމްޑީީޕީ) ގެ ކެނޑިޑޭޓު ފާތިމަތު ޝައުފާއެވެ.
އޭގެ ތެރެއިން ފަހީމާ މުޙައްމަދުއަށް ލިބިފައިވަނީ 203 ވޯޓެވެ. އަދި އެމްޑީޕީގެ ކެނޑިޑޭޓު ފާތިމަތު ޝައުފާއަށް 237 ވޯޓު ލިބިފައިވެއެވެ.
މި އިންތިޚާބުގައި ވޯޓު ލުމުގެ ޙައްޤު 675 މީހަކަށް ލިބިގެންވާއިރު، ޖުމުލަ 448 މީހުން ވޯޓު ލާފައިވެއެވެ. އޭގެ ތެރެއިން ސައްޙަ ވޯޓުގެ އަދަދަކީ 440 އެވެ.
